میوات میں بھارت بند کا گہرا اثر

بھارت بند کے اعلان پر میوات کے کئی شہروں میں بند کا گہرا اثر دیکھا گیا۔

ریاست ہریانہ کے ضلع نوح کے میوات میں شہریت ترمیمی قانون کے خلاف بہوجن کرانتی مورچہ کے "بھارت بند" کے اعلان پر میوات کے پونہانہ، فیروز پور جھرکا، بڑکلی چوک اور نوح شہر میں بند کا گہرا اثر رہا ۔
نوح شہر کی سب سے مصروف گلیوں میں سے ایک نائب والی گلی مکمل طور سے بند رہی، دکاندار واضح طور سے شہریت ترمیمی قانون کے خلاف احتجاج کرتے نظر آئے۔

اطلاع کے مطابق میوات اور نوح شہر میں بازار بند رکھنے کا کوئی اعلان نہیں تھا لیکن اس کے باوجود صبح سے شام تک بازار بند رہا۔

یہاں تک کہ بیشتر میڈیکل اسٹورز بھی بند نظر آئے،البتہ انتہائی ضرورت کے پیش نظر کچھ دوکانیں کھلی رہیں ۔