نوح سے تبلیغی جماعت کے افراد کو گھر بھیجنے کا سلسلہ جاری

ریاست ہریانہ کے ضلع نوح میں مختلف ریاستوں سے آئے ہوئے تبلیغی جماعت کے افراد کو ان کی ریاست میں بھیجنے کا سلسلہ جاری ہے۔

جانکاری دیتے ہوئے ایس ڈی ایم نوح پردیپ اہلاوت نے بتایا کہ ضلع مجسٹریٹ کی نگرانی میں گورنمنٹ گرلز کالج سالاہیڑی سے کرناٹک ریاست کے 19 جماعت کے افراد کو بس کے ذریعے روانہ کیا گیا ہے۔ یہ جماعت کے افراد نئی دہلی سے ٹرین کے ذریعے کرناٹک پہنچیں گے۔

نوح سے تبلیغی جماعت کے افراد کو گھر بھیجنے کا سلسلہ جاری

انہوں نے بتایا کہ اسی طرح فیروز پور نمک سے بھی چھ تبلیغی جماعت کے افراد کو ان کے ریاست روانہ کیا گیا ہے۔ یہ جماعت کے لوگ نئی دہلی ریلوے اسٹیشن سے ٹرین کے راستے اپنی ریاست پہنچیں گے۔ جن میں دو افراد کا تعلق جموں و کشمیر اور چار افراد یوپی کے باغپت، امروہہ، بجنور سے تعلق رکھتے ہیں۔

نوح سے تبلیغی جماعت کے افراد کو گھر بھیجنے کا سلسلہ جاری

نائب تحصیلدار اختر حسین نے جماعت کے افراد کو بس میں بیٹھا کر کالج سے روانہ کرتے ہوئے بتایا کہ جماعت کے افراد کو سماجی فاصلے کا خیال کرتے ہوئے بس میں بیٹھایا گیا ہے اور یہ ہدایت دی گئی ہے کہ وہ محکمہ صحت کی سبھی ہدایات پر عمل پیرا ہوں۔

واضح رہے کہ تبلیغی جماعت کے یہ افراد گذشتہ 45 دنوں سے ضلع میں بنائے گئے قرنطینہ مرکز میں رہ رہے تھے۔ انہوں نے بتایا کی شام تک قریب 100 افراد کو ان کے ریاست روانہ کیا گیا ہے۔