ہریانہ میں کورونا کے 31 نئے معاملوں کی تصدیق

ریاست ہریانہ میں کورونا وائرس انفیکشن کے آج 31 نئے معاملے آنے کے ساتھ ہی ریاست میں اس وبا کے مریضوں کی کل تعداد بڑھ کر 1535 ہو گئی ہے جن میں سے 884 مریض صحت مند ہوکر گھر جا چکے ہیں اور 19 لوگوں کی موت ہو چکی ہے۔ ریاست میں کورونا کے فعال معاملے اب بڑھ کر 632 ہوگئے ہیں جن میں امریکہ سے واپس آئے ہریانہ نژاد کورونا مثبت پائے گئے 21 لوگ بھی شامل ہیں۔

ریاست کے صحت اور خاندانی بہبود کے محکمہ کے کورونا کی صورتحال سے متعلق جاری بلیٹن میں یہ اطلاع دی گئی۔ ریاست میں آج فریدآباد میں 21، حصار میں پانچ، نارنول میں تین اور نونہہ اور پنچكولہ میں ایک ایک معاملہ سامنے آیا ہے۔

ریاست میں اب تک 59698 کورونا مشتبہ افراد کو نگرانی میں رکھا گیا جن میں سے 39239 لوگوں نے قرنطینہ مدت مکمل کرلی ہے اور باقی 20409 نگرانی میں ہیں۔ اب تک 109481 کورونا مشتبہ افراد کے نمونے جانچ کے لیے بھیجے گئے ہیں جن میں سے 103683 منفی اور 14 اطالوی شہریوں سمیت 1535 مثبت پائے گئے ہیں۔ 4263 نمونے کی رپورٹ ابھی آنی باقی ہے۔ 1535 مثبت مریضوں میں سے 884 کو ٹھیک ہونے کے بعد ہسپتالوں سے چھٹی دے دی گئی ہے۔ اس طرح ریاست میں کورونا کے اب فعال معاملے 632 ہیں۔

ریاست میں آج فریدآباد میں 21، حصار میں پانچ، نارنول میں تین اور نونہہ اور پنچكولہ میں ایک ایک معاملہ آیا۔ اس کے بعد ریاست میں اب ضلع وار کورونا متاثرین کی تعداد گروگرام میں 405، فرید آباد 297، سونی پت 180، جھجھر 97، نونہہ 67، پانی پت 60، پلول 51، انبالہ 47، کرنال 42، نارنول 39، حصار 31، جیند 27، پنچكولہ، حصار اور کروکشیتر 26-26، روہتک 24، ریواڑی 23، سرسا 14، فتح آباد اور بھیوانی 11-11، کیتھل 10، یمنانگر نو اور چرخی دادری میں آٹھ ہو گئی ہے۔ ریاست میں کورونا کی وجہ اب تک فرید آباد میں سات، پانی پت اور گروگرام تین تین، انبالہ میں دو، سونی پت، جیند، کرنال اور روہتک سے ایک ایک موت ہونے کی بلیٹن میں اطلاع دی گئی ہے۔