میوات: دو صحافیوں پر مقدمہ درج، ایک گرفتار

ضلع نوح میوات میں آہوجا اور یوگیش نامی صحافی پر رنگداری اور فرضی خبریں شائع کرکے سرپنچوں سے پیسے ٹھگنے کا معاملہ سامنے آیا ہے، جس کے خلاف پولیس نے کارروائی کرتے ہوئے ایک صحافی گرفتار کر لیا ہے۔

ریاست ہریانہ کے ضلع نوح میوات میں پونہانہ پولس نے ایک صحافی کو گرفتار کیا ہے، اطلاعات کے مطابق پونہانہ تحصیل میں منیش آہوجا اور یوگیش نامی صحافی پر رنگداری اور فرضی خبریں شائع کرکے سرپنچوں سے پیسے ٹھگنے کا معاملہ سامنے آیا۔

اس سلسلے میں پولیس نے دونوں پر مقدمہ درج کر کے منیش آہوجا کو گرفتار کر لیا ہے جبکہ یوگیش ابھی فرار چل رہا ہے۔

غور طلب ہے کہ منیش آہوجا پر مقامی سیاسی رہنما کی مدد سے صحافیوں کی نو لاکھ روپیے کی سرکاری گرانٹ ہڑپ کرنے کا الزام بھی عائد کیا گیا تھا لیکن اس وقت ان ہر کوئی قانونی کارروائی نہیں کی گئی۔

شکایت کنندہ ارشد کے علاوہ عام لوگوں کا الزام ہے کہ مذکورہ دونوں صحافی علاقہ میں لوگوں پر دباؤ بناکر موٹی رقم وصولی کرتے تھے۔ پولس کی کارروائی سے لوگوں نے اطمینان کی سانس لی ہے۔