کورونا کی وجہ سے راجستھان، ہریانہ سرحد پر ناکہ بندی

کورونا وائرس کے پیش نظر راجستھان، ہریانہ سرحد پر ناکہ بندی کر دی گئی ہے۔

کورونا وائرس کا قہر پورے ملک میں جاری ہے جس سے آج پورے ملک میں جنتا کرفیو نافذ کیا گیا تھا۔

اس دوران ہریانہ اور راجستھان کی میوات میں واقع سرحد سیل کردی گئی ہے۔

جس کی وجہ سے آمد و رفت مکمل طور پر بند ہے اور دونوں ریاست کے سرحد پر ناکہ بندی کر دی گئی ہے۔

راجستھان کے سرحد پر راجستھانی پہاڑی پولیس کو تعینات کر دیا گیا ہے، جو آنے جانے والے لوگوں کو اپنے ریاست واپس بھیج رہے ہیں۔

موقع پر موجود پہاڑی اے ایس آئی ساگر نے بتایا کہ لوگوں کو سمجھا بجھا کر واپس کر دیا جا رہا ہے۔انتہائی ضروری کام کی وجہ سے معلوم ہوجانے کے بعد راہگیروں کو آگے جانے دیا جا رہا ہے۔