نوح میں بی جے پی کارکنان کی استقبالیہ ریلی

ریاست ہریانہ کے وزیراعلیٰ منوہر لال کھٹر کی ضلع نوح میں جون کے مہینے میں ہونے والی کارکنان کی استقبالیہ ریلی کے لیے کابینی وزیر وید پال اور ہریانہ سرکار میں چیئرمین اجے گاڈ نے میوات انجینیئرنگ کالج وقف نوح میں ضلع کے سبھی کارکنان اور عہدے داران کی میٹنگ طلب کی۔

بھارتیہ جنتا پارٹی کے رہنما ویدپال نے بتایا کہ 'عام انتخابات میں شاندار جیت کے بعد وزیراعلیٰ کھٹر 14 جون کو میوات کے عوام کا شکریہ ادا کرنے پہنچیں گے۔'

اجے گاڈ نے کہا کہ 'بی جے پی کے اقتدار میں آنے کے بعد ہماری مخالفت کرنے والے رہنما پارٹی میں شامل ہوتے جا رہے ہیں۔ حکومت کا فائدہ اٹھانے کی چاہ میں کئی حریف بی جے پی میں شامل ہو سکتے ہیں لہذا اعلی کمان اس بات پر نظر رکھے کہ کوئی ایسے رہنما کو آگے نہ بڑھایا جائے اور وہ کارکنان جو پارٹی کے لیے محنت کرتے ہیں، انہیں کو آگے بڑھایا جائے۔ اس سے پارٹی کا کیڈر مضبوط ہوگا۔'

اس موقع پر ریاستی وزیر چودھری رئیس خان، ریاستی کمیٹی کے رکن زاہد حسین، بی جے پی ضلع کے صدر سریندر پرتاپ آریہ، حج کمیٹی کے چیئرمین اورنگ زیب کے نام قابل ذکر ہیں۔