'بی جے پی آئین کو توڑنے میں لگی ہے'

الور سے رکن اسمبلی اور راجستھان حکومت میں ریاستی وزیر ٹیکارام جولی آج نوح کے میوات پہنچے اور اپنے پرانے دوستوں سے ملاقات کی۔

ریاست ہریانہ کے ضلع نوح میں ریاستی وزیر کا پرتپاک خیرمقدم کیا گیا۔ انہوں نے کہا کہ الور بھی میوات ہی کا حصہ ہے۔

انہوں نے اپنی خوشی کا اظہار کرتے ہوئے کہا کہ ”میوات میں بھائی چارے کی روایت ہمیشہ سے قائم ہے۔ میں نے پورے دن اپنے احباب سے ملاقات کی ہے جس سے کافی مسرور ہوں”۔

ریاستی وزیر ٹیکارام جولی نے مدھیہ پردیش میں جاری سیاسی بحران کے متعلق پوچھے گئے سوال کے جواب میں کہا کہ بی جے پی آئین کو توڑنے میں لگی ہے۔

عوام نے کانگریس کے حق میں ووٹ دیا تھا اور بی جے پی آئین کی خلاف ورزی کرتے ہوئے ریاست پر قابض ہونا چاہتی ہے۔

وقت آنے پر عوام انہیں ضرور جواب دے گی۔ انہوں نے کہا کہ آپسی اختلافات کہیں بھی ہو سکتے ہیں، لیکن بھارتیہ جنتا پارٹی سیاست میں کسی بھی حد تک گر سکتی ہے۔