میوات میں بکرا منڈی سنسان

عیدالاضحیٰ کے موقع پر مہینوں پہلے سے بکروال تیاری شروع کر دیتے ہیں لیکن اس مرتبہ ان کے بکرے فروخت نہیں ہو پا رہے ہیں۔ بکرا منڈی سنسان پڑی ہے۔

ریاست ہریانہ کے ضلع نوح میوات کے فیروزپور جھرکا میں واقع معروف بکرا منڈی اس مرتبہ کورونا وائرس کی وجہ سے سنسان پڑی ہے۔ ہر برس قربانی کے موقع پر یہاں بکرا منڈی بڑے پیمانے پر لگتی ہے لیکن اس مرتبہ ضلع انتظامیہ نے بکرا منڈی کی اجازت نہیں دی۔

اس فیصلے سے بکروال معاشی بحران کا شکار ہو سکتے ہیں۔

دراصل قربانی کیلئے کئی مہینے پہلے سے بکروال تیاری شروع کر دیتے ہیں لیکن اس مرتبہ ان کے بکرے فروخت نہیں ہو پا رہے ہیں۔ بکرا منڈی سنسان پڑی ہے۔

وہیں بکرا خریدنے کیلئے بھی خریداروں کا کافی مشقت کرنی پڑ رہی ہے۔

بکروال کا مطالبہ تھا کہ 'جس طرح بازار کھولے گئے ہیں، انہیں بھی بکرا منڈی لگانے کی اجازت دینی چاہئے۔'

انہوں نے کہا کہ 'اس طرح تو وہ بھوکے مر جائیں گے۔'

مزید بڑھیں: شاہین باغ میں بکرے کی مانگ میں کمی، قیمت میں اضافہ

وہیں بکرا منڈی میں مویشیوں کو سجانے اور خوبصورت بنانے کیلئے مختلف سامان بیچنے والے بھی کھالی ہاتھ بیٹھے ہیں۔

ان کا کہنا ہے کہ 'ہمیشہ کی طرح عید قرباں پر اس بار وہ مزے والی بات نہیں ہے۔'