ریاست ہریانہ کے ضلع نوح کے نیمکا گاؤں میں مدرسہ ابن تیمیہ کی جانب سے ایک دینی اجلاس کا انعقاد کیا گیا۔ یہ دینی اجلاس مدرسہ ابن تیمیہ نیمکا کے سالانہ اجلاس کے موقع پر منعقد کیا گیا۔
مرکزی جمعیت اہل حدیث ہند کے ناظم مولانا ہارون سنابلی نے جلسے سے خطاب کرتے ہوئے کہا کہ آج بھائی بھائی کا دشمن بن گیا ہے، بھائی سے بھائی کو نفرت ہے یہ انتہائی افسوسناک ہے، ہم محمد صل اللہ علیہ وسلم کے امتی ہیں۔ ہمیں شریعت یہ تعلیم دیتی ہے کہ ہم ایک دوسرے کیلئے قربانی دیں اور ایثار و قربانی ماحول پیدا کریں۔
مہمان خصوصی امیر مرکزی جمعیت اہل حدیث ہند نے موجودہ حالات اور مسلمانوں کی ذمہ داریوں پر خطاب کیا۔
مشہور خطیب مولانا جرجیس سراجی نے اصلاح معاشرہ اور ہماری ذمہ داریاں کے عنوان سے سیر حاصل خطاب کیا، عوام رات 12 بجے تک پنڈال میں علماء کی تقاریر سے مستفید ہوتی رہی۔
غور طلب ہے کہ اجلاس کی صدارت صوبائی جمعیت اہل حدیث ہریانہ کے امیر ڈاکٹر عیسی انیس جامعی نے کی جبکہ صوبائی جمعیت اہل حدیث ہریانہ کے ناظم مولانا عبد الرحمن سلفی کی زیر قیادت اس اجلاس کا انعقاد کیا گیا۔
اس موقع پر مدرسہ ابن تیمیہ نیمکا کے ناظم مولانا زکریا، نائب امیر حافظ داؤد سلفی، نائب ناظم مولانا اکبر سلفی، مولاناصدیق سلفی، مولانا حبیب سلفی، مولانا حکیم الدین سنابلی اور حافظ عمران سنابلی سمیت متعدد علماء کرام موجود رہے۔
