Murder in Gujarat غلط کام نہ کرنے کا مشورہ دینے پر عمر رسیدہ شخص کا قتل

گجرات کے احمد آباد میں ایک عمر رسیدہ شخص کے قتل کا سنسنی خیز معاملہ سامنے آیا ہے۔ یہاں ایک نوجوان نے ایک معمر شخص کو صرف اس لیے چاقو سے حملہ کرکے ہلاک کر دیا کہ بزرگ نے اسے غلط کام نہ کرنے کا مشورہ دیا تھا۔ اس معاملے میں پولیس ملزم کی تلاش کر رہی ہے۔ Murder case in Ahmedabad

احمد آباد:گجرات کے شہر احمد آباد میں ایک بزرگ کو نوجوان کو مشورہ دینا اس کی موت کا سبب بن گیا۔ بزرگ کے مشورہ پر نوجوان کو اتنا غصہ آیا کہ اس نے بزرگ کو چاقو سے حملہ کر قتل کر دیا۔ بتایا جا رہا ہے کہ ملزم نوجوان معین خان پہلے بھی کئی مقدمات میں جیل جا چکا ہے۔ پولیس سے موصولہ اطلاع کے مطابق یہ واقعہ احمد آباد شہر کے مشرقی علاقے رامول کا بتایا جا رہا ہے۔ پولیس سے موصولہ اطلاع کے مطابق ملزم نوجوان ایک کیس میں ضمانت پر جیل سے باہر ہے۔ ملزم نوجوان کو بزرگ نے غلط کام نہ کرنے کا مشورہ دیا جسے سن کر نوجوان نے غصے میں آکر بزرگ کو چاقو مار کر قتل کردیا۔

نوجوان کے خلاف رامول پولیس اسٹیشن میں قتل کا مقدمہ درج کیا گیا ہے اور پولیس اس کی تلاش میں ہے۔ پولیس نے بتایا کہ مرنے والے بزرگ کی شناخت 61 سالہ مظفر خان پٹھان کے نام سے ہوئی ہے۔ پولیس نے بتایا کہ 2 مئی کو متوفی پٹھان اور اس کا دوست شکیل احمد جنتا نگر میں ایک پان کی دکان کے قریب بینچ پر بیٹھے تھے۔ جب نماز کا وقت ہوا تو وہاں سے چلے گئے۔ ملزم معین خان بزرگ سے ملا تو انہوں نے اسے غلط کام نہ کرنے کا مشورہ دیا کیونکہ معین خان ایک روز قبل ایک فوجداری کیس میں ضمانت پر رہا ہوا تھا۔

بزرگ کی اس نصیحت سے وہ سخت ناراض ہوا اور اپنے پاس رکھے چاقو سے حملہ کر کے موقع سے فرار ہو گیا۔ زخمی بزرگ کو علاج کے لیے اسپتال میں داخل کرایا گیا، جہاں علاج کے دوران معمر شخص کی موت ہوگئی۔ اس معاملے میں اے سی پی آر ڈی اوجھا نے بتایا کہ ملزم ایک کیس میں ضمانت پر باہر آیا تھا اور متوفی اسے جانتا تھا۔ بزرگ نے غلط کام نہ کرنے کا مشورہ دیا تو ملزم مشتعل ہو گیا اور تیز دھار ہتھیار سے بزرگ پر حملہ کر دیا جس سے ان کی موت ہو گئی۔