Dhirendra Shastri On Pakistan ہم پاکستان کو بھی ایک ہندو راشٹر بنائیں گے، دھیریندر شاستری

باگیشور دھام کے دھیریندر شاستری نے سورت میں عوام سے خطاب کرتے ہوئے کہا کہ ہم پاکستان کو بھی ایک ہندو راشٹر بنائیں گے۔ اس قبل بھی کئی مرتبہ دھیریندر شاستری نے متنازع بیان دیا ہے۔ Dhirendra Shastri controversy statement

سورت: باگیشور دھام کے دھیریندر شاستری نے کہا ہے کہ اگر گجرات کے لوگ متحد ہوجائیں تو پاکستان ہندو راشٹر میں تبدیل ہو سکتا ہے۔ دھریندر شاستری نے یہ ریمارکس ہفتہ کو سورت میں ایک بڑے اجتماع سے خطاب کرتے ہوئے کئے اور کہا کہ جس دن گجرات کے لوگ اس طرح متحد ہو گئے، تو نہ صرف بھارت بلکہ ہم پاکستان کو بھی ہندو راشٹر بنا دیں گے۔

گزشتہ ماہ بہار کے وزیر اعلیٰ نتیش کمار نے بابا باگیشور دھیریندر شاستری کو ان کے مبینہ ریمارک کے لیے تنقید کا نشانہ بنایا کہ بہار 'ہندو راشٹر' کی آگ بھڑکا دے گا"، انہوں نے مزید کہا کہ ان کے بیان کی 'کوئی اہمیت نہیں' ہے۔ نتیش کمار نے دھیندر شاستری کے بیان پر تبصرہ کرتے ہوئے کہا کہ جدوجہد آزادی کی لڑائی لڑنے کے بعد آئین وجود میں آیا اور جو نام دیا گیا وہ سب کے لیے قابل قبول ہونا چاہیے… کیا وہ جدوجہد آزادی کے دوران پیدا ہوئے تھے جو آج ایسا کہہ رہے ہیں؟… یہ کہنے کی کیا ضرورت ہے؟ آپ جس مذہب کو چاہیں اس پر عمل کریں۔ لیکن نام بدلنے کی تجاویز حیران کن ہیں۔ کیا یہ بھی ممکن ہے؟

انہوں نے کہا کہ بہار میں ہم اس بات کو یقینی بناتے ہیں کہ ہر کسی کو اپنی مرضی کے مطابق عبادت کرنے کا حق ملے، لیکن کسی کو ایک دوسرے کے عقیدے میں مداخلت نہیں کرنی چاہیے۔ اگر کوئی اپنے طور پر کچھ کہہ رہا ہے تو اس کی کوئی اہمیت نہیں ہے۔ دریں اثنا بہار کے سابق وزیر اعلیٰ اور آر جے ڈی کے قومی صدر لالو پرساد یادو سے جب دھیریندر شاستری کو پٹنہ میں ایک تقریب کے انعقاد سے نہیں روکے جانے کے بارے میں پوچھا گیا تو انہوں نے کہا کہ بابا باگیشور کون ہیں؟ کیا وہ بابا ہے؟