احمدآباد: 'وکلانگ سہایک کیندر' کی جانب سے کمبل تقسیم

ریاست گجرات کے احمدآباد کے وٹوہ علاقے میں موجود 'وکلانگ سہایک کیندر' معذوروں کی خدمت کرنے والا ایک ادارہ ہے جو ہمیشہ غریبوں اور معذوروں کو امداد کرتا رہتا ہے۔

دراصل اس کڑاکے کی ٹھنڈ میں 'وکلانگ سہایک کیندر' نے غریبوں کو کمبل دے کر ٹھنڈی سے کچھ راحت پہنچانے کا کام کیا ہے۔

اس تعلق سے 'وکلانگ سہایک کیندر 'کے صدر بابو بھائی صابو والا نے کہا کہ 'گجرات میں مسلسل ٹھنڈی بڑھتی جا رہی ہے ایسے میں ہمارے ادارے کی جانب سے غریب معذوروں کو ٹھنڈی سے کچھ راحت مل سکے اس مقصد کے تحت 225 کمبل تقسیم کیے گئے ہیں۔'

واضح رہے کہ 'گجرات میں امسال ریکارڈر بریک ٹھنڈی محسوس کی جارہی ہے ایسے میں کمبل حاصل کر معذوروں کے چہرے پر خوشی کی جھلک دیکھنے کو ملی ہے۔'

اس موقع پر کمبل حاصل کرنے والے معذوروں نے کہا کہ 'یہ ادارہ غریب معذوروں کی مدد کرنے والا ادارہ ہے اور اب ہمیں ٹھنڈی سے کچھ راحت بھی ملے گی، تاہم کمبل حاصل کر کے ہمیں بہت خوشی محسوس ہو رہی ہے۔'

احمدآباد میں موجود بے گھر اور غریب معذور جو گرم کپڑے یا کمبل نہیں خرید سکتے ہیں انہیں کمبل دے کر وکلانگ سہایک کیندر نے ایک قابل ستائش کام کیا ہے۔