کرناٹک میں دو اسمگلر گرفتار، 84.60 لاکھ کا گانجہ ضبط

کرناٹک میں بنگلور پولیس نے منشیات کے دو اسمگلروں کو گرفتار کر کے ان کے ٹھکانے سے 141 کلو 200 گرام گانجہ ضبط کیا ہے۔ جس کی قیمت تقریباً 84.60 لاکھ روپے ہونے کا اندازہ ہے۔

پولیس نے بدھ کو بتایا کہ گرفتار کئے گئے لوگوں کی شناخت آندھرا پردیش کے وشاکھاپٹنم میں ڈومری گڈا مندل کے رہنے والے چیڈا کرشنن اور کرناٹک چامراجنگر ضلع میں منجاپورا گاؤں کے رہنے والے مورتی کے طور پر کی گئی ہے۔

ابتدائی جانچ سے پتہ چلا ہے کہ کرشنن وشاکھا پٹنم کے اراکو گاؤں کے پہاڑی علاقوں میں رہنے والے قبائلیوں سے گانجہ خریدتا تھا اور مورتی کے ساتھ مل کر دونوں کرناٹک میں گانجہ بیچتے تھے۔

کورمنگلا پولیس نے معاملہ درج کرلیا ہے اور جانچ شروع کردی ہے۔