سورت: فیکٹری میں آگ لگنے سے دو کی موت

بھارتی ریاست گجرات کے شہر سورت کے پونا علاقے میں پیر کو ایک فیکٹری میں آگ لگنے سے دو کاریگروں کی موت ہو گئی۔

فائر بریگیڈ اہلکار نے بتایا کہ پونا گاؤں میں بھاگيودے انڈسٹریز کی ایک فیکٹری رام دیو ڈیکو میں صبح اچانک آگ لگ گئی۔ اطلاع موصول ہوتے ہی فائر بریگیڈ کی چار گاڑیوں کے ساتھ فائر بریگیڈ کے اہلکار بھی موقع پر پہنچ گئے۔

تقریبا ساڑھے تین گھنٹے کی سخت مشقت کے بعد آگ پر قابو پا لیا گیا۔ فیکٹری میں سات گیس سلنڈر رکھے ہوئے تھے۔

پولیس نے بتایا کہ اس دوران فیکٹری میں سو رہے پونا گاؤں کی سریتا وہار سوسائٹی کے رہنے والے دو کاریگر بھورالال (30) اور رادھے شیام بی بیراولا (32) بری طرح جھلس گئے۔

انہیں بے ہوشی کی حالت میں ہسپتال پہنچایا گیا۔ جہاں ڈاکٹروں نے دونوں کو مردہ قرار دے دیا۔ پولیس نے معاملہ درج کرکے ضروری کارروائی شروع کر دی ہے۔