Gujarat Board 10th Result 2023 گجرات ایس ایس سی بورڈ میں نمایاں کامیابی حاصل کرنے والے جڑواں مسلم بھائی

گجرات میں آج دسویں جماعت کے نتائج کا اعلان کیا گیا، جس میں احمدآباد کے جوہاپورا میں رہنے والے دو جڑواں بھائیوں عبدالحنان شیخ اور عبدالمنان شیخ نے بالترتیب 99.21 فیصد اور 99.24 فیصد کے ساتھ ایس ایس سی بورڈ امتحان میں کامیابی حاصل کی ہے۔

احمدآباد:گجرات میں آج دسویں کے نتائج کا اعلان کر دیا گیا۔ اس امتحان میں گجرات کے مسلم بچوں نے بھی شاندار نمبر لا کر کامیابی حاصل کی ہے۔ احمدآباد کے جوہاپورا کے رہنے والے دو جڑواں بھائیوں نے بھی اپنی محنت سے علاقے کا نام روشن کیا ہے۔ ایس ایس سی بورڈ میں عبدالحنان شیخ کو 99.21 فیصد اور عبدالمنان شیخ کو 99.24 فیصد نمبرات آئے ہیں۔ اس تعلق سے ای ٹی وی بھارت سے بات کرتے ہوئے عبدالحنان شیخ نے بتایا کہ وہ ہیرامنی اسکول میں پڑھتے ہیں۔

گجرات ایس ایس سی بورڈ میں نمایا کامیابی حاصل کرنے والے مسلم جڑواں بھائی

انہوں نے ہارڈ ورک کے ساتھ اسمارٹ ورک بھی کیا ہے۔ روزانہ سات سے آٹھ گھنٹے پڑھائی کرتے تھے۔ انہوں نے کہا کہ میرے اسکول میں مسلم بچوں میں ہم دو بھائیوں نے ایک گریڈ حاصل کیا ہے۔ ہمیں بہت خوشی ہو رہی ہے۔ انہوں نے بتایا کہ میں پڑھائی کے ساتھ ساتھ اسپورٹز میں بھی دلچسپی رکھتا ہوں۔ میں نے کھیل کے میدان میں بھی اپنا نام کمایا ہے۔ آج میں اور میرے اہل خانہ کافی خوش ہیں۔ میں آگے بھی محنت کرتا رہوں گا۔ دسویں کے بعد بڑے ہو کر ڈاکٹر یا انجینئر بننا چاہتا ہوں۔

گجرات ایس ایس سی بورڈ میں نمایا کامیابی حاصل کرنے والے مسلم جڑواں بھائی

وہیں عبدالمنان شیخ نے کہا کہ ہم دونوں بھائی ایک ہی اسکول میں پڑھتے ہیں۔ اسکول کا رزلٹ بھی کافی اچھا آیا ہے۔ میرا رزلٹ بھی 99.24 فیصد آیا ہے جسے دیکھ کر میں کافی خوش ہوں۔ میرے گھر میں جشن کا ماحول ہے۔ دور دور سے لوگ مجھے مباکباد پیش کر رہے ہیں۔ اس موقع پر عبدالحنان اور عبدالمنان شیخ کے والد مزمل شیخ نے بھی بچوں کے رزلٹ پر خوشی کا اظہار کیا اور ان کی محنت کے بارے میں بتایا۔ ساتھ ہی مکتم پورا کے کونسلر مرزا حاجی اسرار بیگ بھی بچوں کی حوصلہ افزائی کی اور انہیں مٹھائی کھلا کر مبارکباد پیش کیا۔