گجرات: بھروچ کیمیکل کمپنی میں آتشزدگی ، 24 زخمی

گجرات کے بھروچ میں کیمیائی کمپنی میں آتشزدگی کے بعد فائر بریگیڈ کی گاڑیاں آگ پر قابو پانے کی کوشش کر رہی ہیں۔

گجرات کے بھروچ میں جھگڑیا میں واقع کیمیکل کمپنی میں آج صبح اچانک آگ لگ گئی۔ اس حادثے میں 24 افراد کے زخمی ہونے کی اطلاع ہے۔ فائر بریگیڈ کی متعدد گاڑیاں موقع پر موجود ہیں۔

معلومات کے مطابق کیمیکل کمپنی یو پی ایل 5 پلانٹ میں اچانک آگ بھڑک اٹھی۔ زخمیوں کو علاج کے لئے اسپتال میں داخل کردیا گیا ہے۔ بتایا جارہا ہے کہ کمپنی کے قریب واقع ددھیڑا، پھلواڑی، کرل ساڑی دیہات میں دھماکے کے باعث گھروں کی کھڑکیوں کے شیشے ٹوٹ گئے۔