احمد آباد: ریاست گجرات کے شہر احمد آباد کے انجمن اسلام ہائی اسکول میں پروفیسر اے آر راؤ بھومیتی کلب کی جانب سے اسکول میں حساب یعنی میتھس کے مضمون میں سب سے زیادہ نمبر حاصل کرنے والے طلبا کو انعام سے نوازا گیا، ساتھ ہی انجمن اسلام ہائی اسکول کے ٹیچر صابر تیل والا اور ان کے شاگرد اے آر راؤ بھومتی کو خراج عقیدت پیش کیا گیا۔ Anjuman Islam School Ahmedabad
اس تعلق سے انجمن اسلام ہائی اسکول کے پرنسپل ایم ایم گھوری نے کہا کہ پروفیسر اے آر راو بھومیتی کلب کی جانب سے آج ہمارے اسکول میں حساب میں نمایاں کامیابی حاصل کرنے والے طلبا کو اعزازسے نوازا گیا، ساتھ ہی ہمارے اسکول کے مشہور ماہر ریاضی داں (میتھس کے ٹیچر) صابر تیل والا اور ان کے شاگرد اے آر راؤ بھومتی کی خدمات کو یاد کیا گیا اور انہیں خراج تحسین پیش کیاگیا۔اس تعلق سے پروفیسر ایم ایم وساوڑا نے کہا کہ پروفیسر اے آر راو جیومیٹری کے جانے مانے ماہر تھے، انہوں نے ایک بھومیتی کلب بنایا تھا جسے آج ہم پروفیسر اے آر راو بھومیتی کلب کہتے ہیں ۔اس کلب میں صابر تیل والا اکثر جایا کرتے تھے لیکن کورونا وائرس دوران ان کا انتقال ہو گیا، اس لیے ان کے طلبا اور اسکول انتظامیہ کی جانب سے انہیں خراج عقیدت پیش کرنے کے لئے پروگرام کا انعقاد کیا گیا۔ مزید پڑھیں:
احمدآباد کے اردو اسکول کا مسئلہ ۔۔۔۔۔۔؟ وہیں انجمن اسلام ہاءی اسکول میں حساب کے سبجیکٹ میں سب سے زیادہ نمبرات حاصل کرنے والے طالب علم چھیپا قاسم نے کہا کہ میرے ٹیچرس اور والدین کے سبب میں نے حساب میں اعلیٰ نمبرات حاصل کیے مجھے حساب کے موضوع میں کافی دلچسپی ہے. تو آج مجھے انعام سے نوازا گیا اس لیے میں کافی خوش ہوں اور سبھی کا شکریہ ادا کرتا ہوں.
