جس کی وجہ سے پولیس کا ایک بڑا قافلہ بھی موقع پر پہنچا اور حالات کو قابو میں کرنے کی کوشش کی۔
لاک ڈاؤن کے درمیان شہر میں اس طرح ہزاروں مزدوروں کے سڑکوں پر نکل آنے سے علاقے میں افراتفری کا ماحول پیدا ہوگیا۔
لاک ڈاؤن میں ایک بار پھر اضافہ ہونے سے پردیسی مزدوروں کا اپنے آبائی وطن جانے کے لیے اب صبر کا باندھ ٹوٹتا نظر آ رہا ہے۔
جس کی وجہ سے راجکوٹ میں 80 فٹ روڈ پر واقع اہیر چوک کے قریب بیرون ریاستی ہزاروں مزدور گھر جانے کے لیے سڑکوں پر نکل اتر آئے۔ اطلاع ملنے پر پولیس موقع پر پہنچی اور حالات کو قابو میں کیا۔
سڑکوں پر اترے مزدوروں نے الزام لگایا کہ لاک ڈاؤن کے دوران ان کے لیے کوئی انتطام نہیں کیا گیا ہے۔
واضح رہے کہ کورونا کی وبا کی وجہ سے ایک طرف لاک ڈاؤن میں سختی کی جارہی ہے تو دوسری طرف ہزاروں مزدوروں کا اس طرح سڑکوں پر نکل آنا کافی تشویشناک بات ہے۔
ان مزدورں نے نہ صرف اہیر چوک بلکہ راجکوٹ کے میرا ادھیوگ نگر کے قریب بھی جمع ہو کر ہنگامہ برپا کیا۔ تاہم اجیڈیم کے قریب بنسی دھر وے پل کے قریب مزدوروں نے بھیڑ جمع کی جس کی وجہ سے پولس کو راستہ بند کرنا پڑا۔
