Hazrat Shah-e-Alam: گجرات میں 18 جون کو حضرت شاہ عالمؒ کا جشن ولادت منایا جائے گا

کورونا کے دو سال بعد گجرات کے مشہور اولیاء ہند حضرت شاہ عالم رحمت اللہ علیہ کا یوم ولادت 18 جون کو احمدآباد شاہ عالم درگاہ میں بڑے ہی شان و شوکت سے منایا جائے گا۔ Birth Anniversary of Hazrat Shah Alam RA

احمدآباد:احمدآباد کی مشہور درگاہ اولیاء ہند حضرت شاہ عالم رحمت اللہ علیہ Hazrat Shah Alam Dargahکا جشن ولادت 18 جون کو منایا جائے گا۔ اس تعلق سے شاہ عالم درگاہ کے خادم خاص صوبہ خان پٹھان نے کہا کہ دو سال بعد حضرت شاہ عالم سرکار کی ولادت کا جشن منایا جائے گا جس کی خوشی کا اظہار کرنا مشکل ہے۔ یہ بہت ہی خوشی کا دن ہوتا ہے کیونکہ عقیدت مندوں کا ایسا ماننا ہے کہ اس دن شاہ عالم سرکار خود درگاہ میں تشریف لاتے ہیں۔ اس سال شہنشاہ گجرات سید محمد سراج الدین شاہ عالم سرکار کی 626 ویں سالگرہ 18 جون 2022 کو منائی جائے گی جس کی تیاریاں زوروں سے چل رہی ہیں۔ اس موقع پر گلپوشی چادر اور لنگر حسین رکھا جائے گا جس میں ہزاروں کی تعداد میں عقیدت مند شرکت کریں گے۔ The Birth Anniversary of Hazrat Shah Alam RA will be celebrated on June 18

انہوں نے مزید کہا کہ اس سال حضرت سائیں سہیلی سرکار کی یوم ولادت کا عرس خوب دھوم دھام سے منایا جائے گا اور ہاتھی پر چادر نکالی جائے گی۔ بڑی خوشی کا ماحول ہوگا اور بڑا اچھا پروگرام ہو گا۔ اس کے ساتھ ہی اس موقع پر قوالی بھی رکھی جائے گی. اس کے لیے دربار کو پرکشش روشنیوں سے سجایا گیا ہے۔ ہر طرف صفائی کی جا رہی ہے اور ساتھ ہی پولیس بھی مانگی گئی ہے جو انشاءاللہ جلد ہی مل جائے گی اور اس کے ساتھ حضرت شاہ عالم سرکار کا یوم ولادت منایا جائے گا۔

گجرات کے مشہور اولیاء ہند حضرت شاہ عالم رحمت اللہ علیہ کا جشن ولادت 18 جون کو منایا جائے گا