احمدآباد:مشہور سماجی کارکن تیستا سیتواڑ پر الزام ہے کہ انہوں نے اپنے شریک ملزموں کے ساتھ مل کر گجرات میں 2002 کے فرقہ ورانہ فسادات میں اس وقت کے وزیراعلی نریندر مودی اور دیگر لیڈروں کے خلاف جھوٹے ثبوت اور گواہوں کو پلانٹ کرنے کی سازش کی تھی۔ اس طرح کے سازش کے نتیجے میں بے گناہ لوگوں کو سزائے موت دینے کا امکان تھا۔
اس کیس میں ملزمان کے خلاف سیشن کورٹ میں چارج فریم کی کاروائی کی گئی ہے۔ اس سے پہلے سیشن کورٹ نے تیستا سیتلواڑ کی اس کیس سے بری ہونے کی درخواست کو مسترد کر دیا تھا ۔ تیستا کی ضمانت بھی گجرات ہائی کورٹ نے مسترد کر دی ہے ۔اس کے بعد تیستا سیتلواڑ نے سپریم کورٹ کا دروازہ کھٹکھٹایا اور سپریم کورٹ نے تیستا سیتلواڑ کو راحت دی ہے۔