سورت سڑک حادثہ: ہلاک شدگان کے ورثاء کو معاوضے کا اعلان

ریاست گجرات کے شہر سورت سے 60 کلومیٹر دور کوسامبا گاؤں میں سڑک حادثے میں ہلاک شدگان کے اہل خانہ کو وزیراعلیٰ اور وزیراعظم کی جانب سے مالی مدد کا اعلان کیا گیا ہے۔

سورت میں پیش آئے سڑک حادثے میں ہلاک ہونے والے افراد کے اہلخانہ کو وزیراعلیٰ گجرات، وزیراعظم راحتی فنڈ اور وزیراعلیٰ راجستھان کی جانب سے فی کس دو دو لاکھ روپے معاوضہ دینے کا اعلان کیا گیا ہے۔

بشکریہ ٹویٹر

• وزیر اعظم نریندر مودی نے غم کا اظہار کیا

وزیراعظم نریندر مودی نے سورت سڑک حادثے میں ہلاک ہونے والوں کے تئیں گہرے رنج کا اظہار کیا ہے۔

بشکریہ ٹویٹر

اس حادثے میں ہلاک ہونے والوں کے اہلخانہ کو دو دو لاکھ جبکہ زخمیوں کو 50 ہزار روپے دینے کا اعلان کیا گیا ہے۔

بشکریہ ٹویٹر

واضح رہے کہ سورت میں فٹ پاتھ پر سورہے مزدوروں کو ایک بے قابو ڈمپر نے بری طرح کچل دیا جس میں 15 افراد کی موت ہوگئی جبکہ متعدد زخمی ہوئے ہیں۔