وسیم رضوی کے خلاف شدید احتجاج

احمدآباد کی شاہ عالم درگاہ میں سنی یوتھ ونگ نے شیعہ وقف بورڈ کے چیئرمین وسیم رضوی کے خلاف بڑے پیمانے پر احتجاج کیا ۔

دراصل شیعہ وقف بورڈ کے چیئرمین، وسیم رضوی ام المومنین حضرت عائشہ صدیقہ رضی اللہ تعالیٰ عنہا کی شان میں گستاخی کرتے ہوئے ایک فلم بنا رہے ہیں، اور اس فلم کا 30 سیکنڈ کا فحش ٹریلر جاری کیا گیا ہے۔ اس فلم کی مخالفت میں احمدآباد میں زبردست احتجاج کیا گیا۔

اس موقع پر سنی یوتھ ونگ گجرات کے صدر محمد رفیق نوری نے کہا کہ ام المومنین حضرت عائشہ رضی اللہ تعالیٰ عنہا نہ صرف ہماری بلکہ پوری انسانیت کی والدہ ہیں، اور بیٹوں کے ہوتے ہوئے ماں کی شان میں گستاخی برداشت نہیں کی جائے گی۔

وہیں شاہ عالم درگاہ کے خادم صبا خان پٹھان نے حکومت سے اپیل کرتے ہوئے کہا کہ اس فلم کو ہرگز ریلیز نہیں ہونے دیا جائے اور مسلمانوں کے جذبات کو ٹھیس پہنچے ایسا کوئی کام کسی کو بھی کرنے کی اجازت نہیں دی جائے۔

اس موقع پر خلیفہ ہزار شیخ الاسلام مولانا نور محمد اشرفی صاحب، شاہ عالم درگاہ کے خادم صبا خان پٹھان اور دیگر مسلم طبقے کے لوگ بھی احتجاج میں شامل ہو ئے۔