دراصل آقائے کائنات سرور دو جہان صلی اللہ علیہ وسلم کے نام اقدس پر بنام محمد میسنجر آف گاڈ فلم بھارت میں 21 سے 25 جولائی کے درمیان ریلیز کرنے کی تیاری کی جا رہی ہے۔
جس کی مذمت ممانعت کے لئے ہر اہل سنت و جماعت کے لوگ میدان میں اتر آئے ہیں۔ ایسے میں سنی یوتھ ونگ گجرات کے صدر محمد رفیق نوری نے احمد آباد کلکٹر کو میمورنڈم سونپا۔
محمد رفیق نوری نے مطالبہ کیا کہ، 'اسلام کے مطابق پیغمبرِ اسلام حضرت محمد صلی اللہ علیہ وسلم کا کوئی فوٹو کوئی تصویر نہیں ہو سکتی ہے کہ آپ حضرت کی طرح کوئی دوسرا ثانی نہیں ہو سکتا ہے۔ ایسے میں پھر کسی بھی طرح سے آپ کے کسی بھی تصویر کو قبول نہیں کیا جا سکتا ہے۔
گزشتہ 1400 سالوں سے اس طرح کے کسی بھی کام کو اسلام کے ماننے والوں نے کبھی بھی نہیں قبول کیا۔ لیکن بھارت میں 21 جولائی 25 جولائی کے درمیان ایک فلم ریلیز ہو رہی ہے، جس کا نام 'محمد دی میسنجر آف گاڈ' ہے۔ جس میں پیغمبر صاحب کی تصویر دکھانے کی کوشش کی گئی ہے جو بالکل ناقابل برداشت ہے۔'
محمد رفیق نوری نے کہا کہ ، 'ہم نے احمد آباد کے کلکٹر کے ذریعہ ایک میمورنڈم حکومت کو سونپا ہے اور مطالبہ کیا ہے کہ فوری اثر سے پورے ملک میں اس فلم پر پابندی عائد کی جائے۔ اگر اس فلم پر پابندی نہیں لگائی جاتی ہے تو پورے ملک میں اس کے خلاف شدید احتجاجی مظاہرے ہو سکتے ہیں۔'
