احمدآباد: یتیم بچوں کے لیے انوکھی پہل

احمدآباد سنی مسلم وقف کمیٹی کے زیر اہتمام چلنے والے سلطان احمد ییتم خانہ میں بڑی تعداد میں یتیم طلبا زندگی گزر بشر کرتے ہیں لیکن لاک ڈاؤن کے دوران ان بچوں کو ان کے رشتہ داروں کے گھر بھیج دیا گیا ہے کیونکہ یتیم خانہ بند ہے لیکن اس دوران بچوں کی تعلیمی سرگرمیاں جاری رکھنے کے لیے سنی مسلم وقف کمیٹی اور یتیم خانے کے اساتذہ نے ایک انوکھی پہل کی ہے جس کے تحت بچوں کو ان کی تعلیم، ہوم ورک یا اسائنمنٹ مکمل ہونے پر ایوارڈ سے نوازا جاتا ہے۔

اس تعلق سے سنی مسلم وقف کمیٹی کے چیئرمین رضوان قادری نے کہا کہ 'لاک ڈاؤن کے دوران بچوں کی تعلیم متاثر نہ ہو اور بچوں کی تعلیم پہلے کی طرح جاری رہے۔ تاہم بچوں میں تعلیمی رغبت قائم رکھنے کے لیے انہیں انوکھے طریقے سے پڑھانے کی شروعات ہم نے کی ہے۔'

اس کا نام ریوارڈس اسکیم رکھا گیا جس کے تحت تمام طلبا کو ہر روز چھ چھ کے گروپ میں بچوں کو یتیم خانہ بلایا جاتا ہے اور انہیں ہوم ورک دیا جاتا اور جب ایک ہفتے میں بچہ ہوم ورک مکمل کر کے یتیم خانہ آتا ہے تو اسے ریوارڈس سے نوازا جاتا ہے۔

جس میں پہلے ہفتے ہم بچوں کو راشن دیتے ہیں، دوسرے ہفتے میں پانچ سو روپے دیتے ہیں، تیسرے ہفتہ میں ایک ہفتے کا ناشتہ دیتے ہیں اور چوتھے ہفتے میں دوبارہ 500 روپے دیتے ہیں۔'

انہوں نے کہا کہ 'بچوں کی حوصلہ افزائی کے لیے ہم انہیں اس طرح ریوارڈس سے نوازتے ہیں۔ تاہم ان کے گھر میں ان کی فیملی میں کسی طرح کے کھانے پینے کی یا کوئی معاشی پریشانی نہ ہو، اس کے لئے ریوارڈس اسکیم بنائی گئی ہے، جب تک پوری طرح یتیم خانہ کو کھول نہیں دیا جاتا اس وقت تک بچوں کو اسی طرح ریوراڈ دیا جائے گا۔'