ایس ڈی پی آئی کے صدر کی ای ٹی وی بھارت کے ساتھ خاص گفتگو

سوشل ڈیموکریٹک پارٹی آف انڈیا نے شہریت ترمیمی قانون کے خلاف 'کاغد نہیں دکھائیں گے' تحریک شروع کرنے کا اعلان کیا ہے جس کا آغاز 11 جنوری سے ہوگا۔

جس کے تحت لوگوں کے گھر گھر جاکر این آر سی ،سی اے اے ، اور این پی آر کے تعلق سے بیداری لا ئی جائے گی۔

لہذا اس مہم کے تحت مختلف پروگرام ہر شہر میں کیا جائے گا اور اسے کامیاب بنانے کے لیے ہر ممکن کوشش ایس ڈی پی آئی کرے گی۔

اس سلسلے میں ای ٹی وی نمائندہ روشن آرا نے سوشل دیموکریٹک پارٹی آف انڈیا گجرات کے صدر عبدالحمید انصاری سے خاص گفتگو کی۔

انہوں نے ای ٹی وی بھارت کو بتایا کہ این آر سی کو لانے کے لیے این پی آر لایا گیا ہے اور شہریت ترمیمی بل آئین مخالف ہے۔

جس کے خلاف آواز اٹھانے کے لئے 'ہم کاغذ نہیں دکھائیں گے' مہم کی شروعات کی جارہی ہے۔

انہوں نے مزید کہا کہ ایس ڈی پی آئی ہمیشہ عوام کے حق میں کھڑی رہی ہے ایسے میں موجودہ صورت حالات سے لڑنے کے لیے ایس پی آئی پوری طرح تیار ہے۔