Bangladeshi Citizens In Ahmedabad احمدآباد میں 18 بنگلادیشی گرفتار

احمدآباد میں ایس او جی نے خصوصی چھاپہ ماری کے دوران 18 بنگلہ دیشی شہریوں کو گرفتار کرلیا ہے۔ گزشتہ روز ریاست میں سیکویرٹی ادارے مبینہ طور پر انتہا پسند تنظیموں کے لئے کام کرنے کے الزام میں چار بنگلہ دیشیوں کی گرفتاری کے بعد متحرک ہو گئے ہیں۔

احمدآباد:ریاست گجرات گزشتہ دنوں مبینہ طور پر انتہا پسند تمظیموں کے لئے کام کرنے والے چار بنگلہ دیشی کو گرفتار کیا تھا گیا۔اس کے بعد سکیورٹی ادارے متحرک ہوگئے ۔ احمد آباد میں غیر قانونی طور پر مقیم بنگلہ دیشیوں کو گرفتار کرنے کی مہم شروع کی ۔اس کے تحت آج ایس او جی نےاحمدآباد میں 18 بنگلادیشی کو گرفتار کیا ہے۔ اس معاملے پر ایس او جی کے اے سی پی بی سی سولنکی نے بتایا کہ بنگلہ دیشی کو پکڑنے کی مہم کافی سے عرصے سے جاری ہے جس میں اٹھارہ بنگلہ دیشی کو گرفتار کیا ہے۔ اس کے لئے مختلف ٹیمیں تشکیل دی گئی ہیں۔ان لوگوں کو شاہ عالم ہے اسن پور، دانی لمڈا ،چنڈولا تالاب جیسے علاقوں میں سے اٹھارہ بنگلہ دیشیوں کو گرفتار کیا گیا ہے۔

انہوں نے کہاکہ یہ لوگ احمد آباد میں چھوٹی چھوٹی جھونپڑیاں بنا کر رہ رہے تھے تو کچھ لوگ سڑک پر ٹینٹ بنا کر رہ رہے تھے بنگلہ دیش میں بے روزگاری اور غربت کی وجہ سے وہ رزگار کی تلاش میں احمدآباد آئے تھے ۔ مزدوری کر کے روزی روٹی کماتے تھے۔ ان کا کہنا ہے کہ گرفتار کئے گئے افراد سے تفتیش کی جا رہی ہے۔اس معاملے میں مزید لوگوں کی گرفتاری عمل میں آ سکتی ہے۔ تحقیقات میں یہ بات سامنے آئی ہے کہ یہ لوگ ایجنٹوں کے ذریعہ کچھ رقم ادا کرکے احمدآباد آئے تھے۔اس معاملے میں ملوث ایجنٹوں کی بھی تلاش کی جا رہی ہے۔