شکیل احمد گجرات جماعت اسلامی ہند کے امیر منتخب

ملک کی مشہور تنظیم جماعت اسلامی ہند کی جانب سے ایک مئی کو پورے بھارت میں 19 امرائے حلقہ کی تقرری عمل میں آئی جس میں گجرات سے شکیل احمد راجپوت کو منتخب کیا گیا۔

شکیل احمد راجپوت کو دوبارہ گجرات کا امیر نامزد کیا گیا ہے ان کی بہترین کارگزاریوں کو مد نظر رکھتے ہوئے انہیں یہ ذمہ داری دی گئی ہے۔

جماعت اسلامی ہند گجرات کے صدر شکیل احمد راجپوت نے کہا کہ ہمیں خوشی ہے کہ اس ذمہ داری کو مجھے مجھے دی گئی ہے۔ اب ہم آنےوالے دنوں میں دعوت کے کام پر زیادہ توجہ دیں گے۔ برادران وطن میں اسلام اور اسلام کے تعلق سے جو غلط فہمیاں پائی جاتی ہیں۔ ان کو دور کیا جائے ہم اسلام کی صحیح تصویر پیش کریں گے۔اور مسلمانوں میں ہرمعاملے میں بیداری لانے کی کوشش کریں گے۔خدمت خلق کے ذریعے سے لوگوں کے مسائل کو حل کیا جائے گا۔

واضح رہے کہ جماعت اسلامی ہند میں امیر بنانے کے مرحلے کچھ الگ ہی طریقے کے ہوتے ہیں۔جس میں خاص طور سے کوئی نامزدگی نہیں ہوتی، بلکہ امیر جماعت ارکان جماعت سے رائے لیتے ہیں۔ ان کی رائے مرکزی امیر جماعت تک پہنچتی ہے۔ اورپھر امیر جماعت کا نمائندہ حلقے کی مشاورتی کاونسل سے مشورہ کرتا ہے۔ اس کے بعد ان دونوں آرا کو سامنے رکھ کرمرکز کے ذمہ دراروں کی بحث ہونے کے بعد امیر جماعت ریاست کے امیر کا انتخاب کرتے ہیں۔اس پورے مرحلے میں تقریبا دو ماہ کا وقت لگتا ہے۔