ایسے میں احمدآباد میونسپل کارپوریشن نے مختلف علاقوں کو سینیٹائز کرنا شروع کیا ہے لیکن جہاں انتظامیہ نہیں پہنچ پا رہی وہاں احمدآباد کی مشہور تنظیم شاہین فاونڈیشن نے پہنچ کر سینیٹائزیشن کررہی ہے۔
دراصل احمد آباد کی شاہین فاونڈیشن نے کورونا وائرس کے پیش نظر سینیٹائزیشن مہم کا آغاز کیا ہے جس کے تحت شاہین فاونڈیشن کی ٹیم مختلف علاقوں اور گھروں میں جاکر خود سینیٹائز کررہی ہے۔
شاہین فاونڈیشن کے بانی حمید میمن نے خود احمدآباد میں موجود دانی لمڈا پولس اسٹیشن اور تین پولس چوکی کے ساتھ ساتھ گزشتہ دنوں انتقال کرگئے کینسر کے دو مریضوں کے پورے گھر کو سینیٹائز کیا۔
اس تعلق سے شاہین فاونڈیشن کے ٹرسٹی کریم لاکھانی نے بتایا کہ 'جب سے لاک ڈاؤن نافذ ہوا ہے تب سے فاؤنڈیشن ضرورت مندوں میں راشن کٹس تقسیم کررہا ہے لیکن اب ایک قدم آگے بڑھ کر فاؤنڈیشن کے اراکین پولیس اسٹیشن اور عوام لوگوں کے گھروں کو سینیٹائز کرنے کا کام کررہے ہیں اور کورونا وائرس کے تعلق سے لوگوں میں بیداری مہم بھی چلا رہے ہیں۔
شاہین فاونڈیشن کی اس پہل نے واقعی انسانیت کا سبق سکھایا ہے اور اس مشکل وقت میں انسانیت کی ایک اعلی مثال قائم کی ہے۔
