وزیر خارجہ ایس جئے شنکر کے راجیہ سبھا کےلیے انتخاب کو سپریم کورٹ میں چیلنج کی گئی عرضی کو اگلے ماہ جنوری کے تیسرے ہفتہ تک کےلیے ملتوی کردیا گیا۔
چیف جسٹس ایس اے بوبڈے کی سربراہی میں بنچ نے سماعت کو ایک ماہ کےلیے ملتوی کردیا۔ درخواست دائر کرنے والوں میں کانگریس رہنما گورو پانڈیا بھی شامل ہیں۔
اس سلسلہ میں دائر کی گئی درخواستوں میں راجیہ سبھا کی خالی نشستوں کےلیے ضمنی انتخاب کےلیے علحدہ نوٹیفکیشن جاری کرنے سے متعلق الیکشن کمیشن کے اختیارا پر بھی سوال اٹھائے گئے۔
عرضی کا تعلق 2019 میں گجرات کی دو راجیہ سبھا نشستوں کے لیے منعقدہ ضمنی انتخابات سے ہے جبکہ ان دونوں نشستوں پر بی جے پی امیدواروں نے کامیابی حاصل کی تھی۔
