اس تعلق سے کانگریس کمیٹی گجرات کے صدر امت چاوڑا نے جانکاری دیتے ہوئے کہا کہ کانگریس کے ارکان اسمبلی آج شام گجرات واپس آئیں گے، اس کے بعد کانگریس کے تمام اراکین اسمبلی اپنے۔ اپنے علاقوں میں چلے جائیں گے۔
کانگریس کے اراکین اسمبلی آج احمدآباد آئیں گے واضح رہے کہ کانگریس کے جو ایم ایس جی کور گئے تھے وہ سیدھا احمد آباد انٹرنیشنل ائیرپورٹ پر اتریں گے اور وہیں سے اپنے گھر کو روانہ ہو جائیں گے۔
غور طلب ہو کے گجرات کے راجیہ سبھا الیکشن سے قبل اراکین اسمبلی کی خرید و فروخت سے بچنے کے لیے گجرات کانگریس کمیٹی کے اپنے تمام اراکین اسمبلی کو 14 مارچ سے راجستھان بھیجنا شروع کیا گیا، جہاں یہ تمام اراکین جے پور کے ایک ریزارٹ میں ٹھہرے ہوئے تھے۔
اس کے باوجود کانگریس کے پانچ اراکین اسمبلی نے کانگریس سے استعفیٰ دے دیا اور نئی سیاست شروع کردی۔
اس راجیہ سبھا الیکشن میں کانگریس کے دو اور بی جے پی کے تین امیدوار کے میدان میں اترنے سے سیاسی گھماسان مچ گیا تھا۔ ایسے میں باقی تمام ایم اراکین اسمبلی آج واپس احمدآباد لوٹنے والے ہیں۔
یہ تمام اراکین اسمبلی کورونا کا چیک اپ کراکر لوٹنے والے ہیں، تاہم الیکشن کمیشن آف انڈیا اب جب دوبارہ راجیہ سبھا الیکشن کی تاریخ کا اعلان کرے گی، تب ایک بار پھر سیاست تیز ہو جائے گی۔
فی الحال کورونا وائرس کے بڑھتے قہر کی وجہ سے راجیہ سبھا الیکشن منسوخ کیا گیا ہے۔
