وزیر اعظم مودی 31 اکتوبر کو گجرات کا دورہ کریں گے

کورونا وائرس وبا کے دوران پہلی مرتبہ وزیراعظم نریندر مودی گجرات کا دورہ کرنے والے ہے۔

عالمی وبا کورونا وائسر کے دور میں پہلی مرتبہ وزیراعظم نریندر مودی گجرات کا دورہ کرنے والے ہے۔ اس موقع پر وزیر اعظم نریندر مودی 31 اکتوبر کو اسٹیچو آف یونٹی کے سیر و تفریح کرنے کے لیے نرمدہ ندی میں ایک کروز بوٹ کا افتتاح کریں گے۔

وہیں 31 اکتوبر نیشنل یونیٹی ڈے کے موقع پر وزیراعظم نریندر مودی اسٹیچو آف یونٹی کی سالگرہ منانے پہنچے گے اور نرمدہ ندی میں ایک کروز بوٹ کا افتتاح بھی کریں گے۔

یہ کروز بوٹ ایک خاص اہمیت کی حامل ہے اس کروز میں 200 افراد بیٹھ سکتے ہیں اور چھ کلو میٹر تک یہ کروز نرمدہ ندی میں چلائی جائے گی۔

اس کروز میں بیٹھنے کے لیے 300 روپے کرایہ طے کیا گیا۔کیوڑیا کولونی میں اس بوٹ کا افتتاح کیا جاے گا۔

کورونا وائرس کے سبب اس بوٹ میں فی الحال 50 افراد کو بیٹھنے کا ہی موقع ملے گا اس کروز پر رات میں ٹریڈیشنل ڈانس کے ساتھ نغمے اور میوزک کا انتظام کیا جائےگا۔

واضح رہے کہ اس سے قبل جب 12 مارچ کو وزیر اعظم نریندر مودی آے تھے تب ہی اس بوٹ کا افتتاح کیا جانا تھا لیکن کورونا کے سبب اس پروگرام کو ملتوی کر دیا گیا تھا۔