گردابی طوفان، نقصان کا جائزہ لینے کے لیے وزیراعظم مودی کا آج گجرات دورہ

وزیراعظم نریندر مودی گردابی طوفان تاؤتے سے ہوئے نقصان کا جائزہ لینے کے لیے بدھ کے روز گجرات اور دیو کے دورے پر جائیں گے۔

وزیراعظم مودی گردابی طوفان کے سبب ہوئے جان و مال کے نقصان کا جائزہ لینے کے بعد احمدآباد میں افسران کے ساتھ ایک میٹنگ میں صورتحال کا جائزہ بھی لیں گے۔

وزیر اعظم کے دفتر (پی ایم او) کے مطابق وزیراعظم مودی بدھ کی صبح تقریباً 09:30 بجے گجرات روانہ ہوں گے اور بھاؤنگر پہنچیں گے۔

یہاں سے وہ اونا، دیو، جعفرآباد اور مووا جیسے متاثرہ علاقوں کا ہوائی سروے کریں گے۔ قابل ذکر ہے کہ گردابی طوفان کے سبب گجرات کو کافی نقصان پہنچا ہے۔

یو این آئی