Morbi Bridge Collapse موربی حادثے پر صدر جمہوریہ، وزیر اعظم و وزیر داخلہ نے دکھ کا اظہار کیا

گجرات کے موربی علاقے میں ایک دردناک حادثہ پیش آیا ہے۔ مچھو ندی میں کیبل پل گرنے 60 سے زائد افراد ہلاک ہوئے ہیں ۔ اس پل پر 400 سے زائد افراد سوار تھے جن میں بچے خواتین سمیت بزرگ بھی شامل تھے۔ Modi, President Murmu condole Morbi tragedy

موربی: ریاست گجرات کے موربی میں پیش آئے اس دردناک حادثے پر صدر جمہوریہ دورپدی مرمو، وزیر اعظم نریندر مودی اور وزیر داخلہ امت شاہ نے گہرے دکھ کا اظہار کیا ہے۔ صدر جمہوریہ دروپدی مرمو نے ٹویٹ کیا، موربی، گجرات میں ہوئے اس حادثے سے مجھے کافی افسوس ہوا۔ ہلاک ہونے والوں کے اہلخانہ سے میری تعزیت اور متاثرہ لوگوں کے ساتھ میری دعائیں ہیں۔ راحت اور بچاؤ کی کوششوں سے متاثرین کو ریلیف ملے گی۔ Modi, President Murmu condole Morbi tragedy

وزیر اعظم نریندر مودی نے گجرات کے وزیر اعلی بھوپیندر پٹیل اور متعلقہ حکام سے موربی میں ہونے والے حادثے کے بارے میں بات کی۔ انہوں نے ریسکیو آپریشن کے لیے فوری ٹیمیں تعینات کرنے کا مطالبہ کیا ہے۔ انہوں نے صورتحال پر گہری نظر رکھنے اور متاثرہ لوگوں کو ہر ممکن مدد فراہم کرنے کو کہا ہے۔ Morbi Bridge Collapse

وزیر اعظم نریندر مودی نے موربی میں ہوئے حادثے میں ہلاک ہونے والوں کے اہلخانہ کو پی ایم این آر ایف سے 2 لکاھ روپے اور زخمیوں کو 50 ہزار روپے معاوضہ دینے کا اعلان کیا ہے وہیں گجرات حکومت نے ہلاک ہونے والوں کے اہلخانہ کو 4-4 لاکھ روپے معاوضہ دینے کا اعلان کیا ہے۔ Modi, President Murmu condole Morbi tragedy

وزیر داخلہ امت شاہ نے کہا کہ موربی حادثے سے دکھی ہوں اس معاملے میں گجرات کے وزیر داخلہ ہرش سنگھوی و دیگر افسران سے بات کیا ہوں، انتظامیہ پوری طرح سے راحت رسانی کے کام میں مصروف ہیں۔ این ڈی آر ایف بھی موقع پر پہنچ رہی ہے۔ انتظامیہ کو زخمیوں کے فور طبی علاج کی ہدایت دی ہے۔