PM Modi Two day Gujarat Tour وزیر اعظم مودی کا دو روزہ گجرات دورہ، کئی اسکیموں کا افتتاح کریں گے

وزیر اعظم نریندر مودی آج دو روزہ دورے پر گجرات میں ہوں گے۔ اس دوران پی ایم مودی کئی اسکیموں کا افتتاح کریں گے۔ PM Modi Two day Gujarat Tour

وزیر اعظم نریندر مودی آج گجرات کا دو روزہ دورہ کریں گے، جس کے دوران وہ 2001 کے بھوج زلزلہ کے متاثرین کے لیے بنائی گئی یادگار اسمرتی ون اور دیگر پروجیکٹوں کا افتتاح کریں گے اور اس کا سنگ بنیاد رکھیں گے۔ وزیر اعظم کے دفتر (پی ایم او) نے جمعرات کو جاری ایک بیان میں یہ اطلاع دی۔ پی ایم او نے کہا کہ اپنے دورے کے آغاز میں مودی 27 اگست کو احمد آباد کے سابرمتی ریور فرنٹ میں منعقدہ کھادی اتسو تقریب سے خطاب کریں گے، اور اگلے دن گاندھی نگر میں، 40 سال پورے ہونے کے موقع پر منعقدہ تقریب میں بھی شرکت کریں گے۔

کھادی اتسو کی تقریب میں سینکڑوں بنکر چرخہ کاتیں گے۔ وزیر اعظم 28 اگست کو کچھ ضلع کا دورہ کریں گے، جہاں وہ 'اسمرتی ون' سمیت تقریباً ایک درجن پروجیکٹ کا افتتاح یا بھومی پوجن کریں گے۔ کھادی کو مقبول بنانے اور اس کی مصنوعات کے بارے میں بیداری پیدا کرنے اور نوجوانوں میں کھادی کے استعمال کو فروغ دینے کی وزیر اعظم کی مسلسل کوشش رہی ہے اور اس کے نتیجے میں 2014 سے ہندوستان میں کھادی کی فروخت میں چار گنا اضافہ ہوا ہے۔

کاریگر کھادی اتسو میں ایک ہی وقت اور ایک ہی جگہ پر چرخہ کاتتی نظر آئیں گی۔ اس تقریب میں چرکھوں کے ارتقاء کی نمائش بھی ہوگی جس میں مختلف نسلوں کے 22 چرخے، جو 1920 کی دہائی سے زیر استعمال ہیں، نمائش کے لیے رکھے جائیں گے۔

وزیر اعظم بھج میں تقریباً 4400 کروڑ روپے کے پروجیکٹوں کا افتتاح اور سنگ بنیاد بھی رکھیں گے۔ وزیر اعظم سردار سروور پراجکٹ کی کچھ شاخ نہر کا افتتاح کریں گے۔ اس نہر کی کل لمبائی تقریباً 357 کلومیٹر ہے۔ نہر کے ایک حصے کا افتتاح وزیراعظم نے 2017 میں کیا تھا اور باقی کا اب افتتاح کیا جا رہا ہے۔ پی ایم او کے مطابق، یہ نہر کچھ کو آبپاشی کی سہولت فراہم کرنے اور کچھ ضلع کے تمام 948 گاؤں اور 10 قصبوں کو پینے کا پانی فراہم کرنے میں مدد کرے گی۔