احمد آباد: گجرات یونیورسٹی نے وزیر اعظم نریندر مودی کی ڈگری حاصل کرنے پر دہلی کے وزیر اعلی اروند کیجریوال کے خلاف ہتک عزت کا مقدمہ دائر کیا ہے۔ یہ مقدمہ اس الزام کے ساتھ دائر کیا گیا ہے کہ اروند کیجریوال کی وجہ سے گجرات یونیورسٹی کی شبیہ کو نقصان پہنچا ہے۔ یہ مقدمہ احمد آباد میٹروپولیٹن مجسٹریٹ کورٹ میں دائر کیا گیا ہے۔ الزام ہے کہ اس عرضی میں اروند کیجریوال نے گجرات یونیورسٹی کے بارے میں مبینہ طور پر قابل اعتراض تبصرہ کیا اور یونیورسٹی کی شبیہ کو داغدار کرنے کا بیان دیا ہے جس کی وجہ سے ان کے خلاف ہتک عزت کا مقدمہ درج کیا گیا ہے۔ تاہم اب اروند کیجریوال نے عدالت میں درخواست دی ہے کہ مقدمے کی سماعت کے دوران ضرورت پڑنے تک راحت دی جائے، جس کے سبب اب کیجریوال کو 13 جولائی کو پیش ہونے کا حکم دیا گیا ہے۔
کیس کی پچھلی سماعت میں میٹروپولیٹن کورٹ نے دہلی کے وزیر اعلی اروند کیجریوال اور سنجے سنگھ کو سی آر پی سی کی دفعہ 204 کے تحت سمن جاری کیا تھا اور انہیں 7 جون کو عدالت میں حاضر ہونے کی ہدایت کی تھی۔ اس پورے معاملے کی تفصیلات کو دیکھتے ہوئے دہلی کے وزیر اعلی اروند کیجریوال نے وزیر اعظم نریندر مودی سے ڈگری مانگی۔ وہ جاننا چاہتے ہیں کہ پی ایم نریندر مودی کتنے پڑھے لکھے ہیں۔ اس سلسلے میں گجرات یونیورسٹی سے پی ایم نریندر مودی کے ڈگری سرٹیفکیٹ کا مطالبہ کیا گیا تھا۔ اس کے بعد سی آئی سی آف انڈیا نے حکم جاری کیا کہ پی ایم مودی کی ڈگری کے حوالے سے پبلک انفارمیشن آفیسر نے گجرات یونیورسٹی اور دہلی یونیورسٹی کو ہدایت کی کہ وہ وزیر اعظم نریندر مودی کی گریجویشن اور پوسٹ گریجویشن ڈگری کی تفصیلات ظاہر کریں۔