'عوام دستور میں تبدیلی نہیں چاہتی'

شکیل احمد راجپوت نے کہا کہ ہمارا آئین مذہب کی بنیاد پر شہریت نہیں دیتا لیکن حکومت نے شہریت ترمیم قانون میں شہریت کو مذہب کے ساتھ جوڑ دیا گیا ہے۔

ریاست گجرات میں جماعت اسلامی ہند کے ریاستی صدر شکیل احمد راجپوت نے ای ٹی وی بھارت سے بات کرتے ہوئے کہا کہ شہریت ترمیم قانون صرف مسلمانوں کا مسئلہ نہیں ہے بلکہ یہ دستور ہند کے خلاف ہے۔

شکیل احمد راجپوت نے حکومت سے سوال کرتے ہوئے کہا کہ گزشتہ 70 سالوں سے شہریت دی جا رہی تھی تو اب کیوں شہریت ترمیم بل لایا جارہا ہے؟

انہوں نے مزید کہا کہ سی اےاے کے ذریعہ آئین کی خلاف ورزی کی جارہی ہے کیونکہ ہمارا آئین مذہب کی بنیاد پر شہریت نہیں دیتا لیکن حکومت نے شہریت ترمیم قانون میں شہریت کو مذہب کے ساتھ جوڑ دیا گیا ہے لہذا عوام دستور میں کسی طرح کی تبدیلی نہیں چاہتی اسلئے آج لوگ سڑکوں پر اتر کر احتجاج کر رہے ہیں۔