پی ایم کی اپیل دیا جلانے پر احمدآباد کے لوگوں نے کی تنقید

کورونا وائرس کے قہر کے دوران ایک طرف وزیر اعظم نریندر مودی نے لاک ڈوان کر دیا ہے، تو دوسرے جانب آج رات نو بجے نو منٹ تک ٹارج، موم بتی جلا نے کو کہا ہے، اس پر احمدآباد کی سماجی تنظیموں نے اپنے ردعمل کا اظہار کیا ہے۔

اس پر سماجی کارکن کوثر علی سید نے کہا کہ،' آج پانچ تاریخ ہے، اور آج رات 9 بجے 9 منٹ تک وزیراعظم نریندر مودی نے دیا جلانے کو کہا ہے اَیسے میں ہم پوچھتے ہیں کہ آپ کیا کر رہے ہو۔ آج بھارت کو ضرورت ہے کورونا وائرس سے لڑنے کی ہاسپیٹل بیڈ، اچھا علاج ہو اچھی ٹیکنالوجی کا استعمال کر لوگوں کو اس بیماری سے نجات دلایا جائے، لیکن آج لوگوں کو کسی اور اندھی تقلید کی طرف جوڑ دیا جا رہا ہے، جو بہت شرم کی بات ہے۔'

تو وہیں سماجی کارکن نور جہاں دیوان نے کہا کہ،' پی ایم مودی نے آج لائٹ بند کر کے دیے جلانے کی بات کر اپنی جاہلیت کا سرٹیفکیٹ دے رہے ہیں۔ ایک طرف ڈیجیٹل انڈیا کی بات کر رہے ہیں تو دوسرے طرف اپنی جاہلیت کا ثبوت دے رہے ہیں۔ لوگوں کو کورونا سے لڑنے کے لیے علاج دوائیاں چاہیے بھوکوں کو کھانا چاہے نہ کہ تالی، تھالی اور دیا۔'