پاپا میاں کے عرس پر صندل جلوس

حضرت پاپا میاں سائیں قادری کے عرس کے موقع پر احمدآباد سے حضرت شاہ عالم سرکار کی درگاہ سے صندل شریف کا جلوس نکالا گیا۔حضرت غوث اعظم کا جشن بھی درگاہ میں منایا گیا۔ درگاہ سے قومی اتحاد اور بھائی چارے کا پیغام بھی دیا گیا۔

پاپا میاں سائیں کا عرس بھی ہر سال گیاریویں شریف کےموقع پر منایا جاتا ہے اس جشن کے تعلق سے شاہ عالم درگاہ کےخادم صوبہ خان پٹھان نے کہا کہ گذشتہ دس سالوں سے شاہ عالم سرکار کی درگاہ سے صندل لے جایاجاتا ہے اور پاپا میاں سائیں کی مزار پر چارد پیش کی جاتی ہے۔اس موقع پر پورے بھارت سے درویش آتے ہیں ان کی خدمت میں بھی تحائف پیش کئے جاتے ہیں۔

اس موقع پر بڑا دلچسپ منظر دیکھنے کو ملا کیونکہ بھارت کے مختلف حصوں سے آئے درویشوں نے ایک سے بڑھ کر ایک کرتب دکھائے۔ رقص و سرور کی محفل کا اہتمام بھی کیا گیاجسے دیکھنے کے لئے عقیدت مندوں کا ہجوم امنڈ پڑا۔

اس موقع پر عقیدت مندوں نے بڑے ہی جوش و خروش کے ساتھ جلوس میں حصہ لیا۔ گیارویں شریف کی مبارکباد پیش کی اور درگاہ کے خادم صوبہ خان کے انتظامات کی تعریف بھی کی ۔