گجرات: ہجومی تشدد کے خلاف احتجاج ریلی میں گڑبڑی

ریاست گجرات کے سورت میں ہجومی تشدد کے خلاف احتجاجی مظاہرہ کیا گیا جو بعد میں فرقہ وارانہ رنگ اختیار کرگیا۔

ملک بھر ہجومی تشدد کے بڑھتے ہوئے واقعات کے خلاف گجرات کے شہر سورت میں ایک احتجاجی ریلی نکالی گئی۔ سورت چوک بازار سے نکالی گئی پرامن ریلی کو پولیس نے بیچ راستہ میں روک دیا جس کے بعد ریلی میں حالاب بے قابو ہوگئے۔ مظاہرہ میں شریک افراد نے اس موقع پر پولیس کے رویہ کی مذمت کی۔

ریلی میں شامل بھیڑ کے بے قابو ہونے پر پولیس نے پہلے لاٹھی چارج کیا۔ بعد میں 2 راونڈ ہوا میں فائرنگ کی تقربیاً 17 آنسو گیس کے شِل برسائے۔

اس دوران کچھ لوگوں نے وہاں موجود بسوں پر پھتراؤں کیا جس کی وجہ سے دو بسوں کے شیشے ٹوٹ گئے۔

ریلی کا اہتمام کرنے والے کانگریس رہنما اسلم سائیکل والا اور بابو پٹھان کو پولیس نے حراست میں لے لیا۔
فی الحال حالات قابو میں ہے اور پولیس نے علاقہ میں دفعہ 144 نافذ کردیا ہے۔ پولیس کی جانب سے اس علاقے میں پیٹرولنگ تیز کردی گئی ہے۔