Funeral in Garba of Navratri وڈودرا میں نوراتری کا گربا روک کر جنازے کو گزرنے کا موقع دیا گیا

گجرات کے وڈودرا شہر میں نوراتری کا گربا روک کر جنازے کو گزرنے کا موقع دیا گیا۔ اس کا ویڈیو سوشل میڈیا پر وائرل ہو رہا ہے۔ اس ویڈیو کو دیکھ کر لوگ اس کی کوب تعریف کر رہے ہیں۔ the Garba of Navratri was stopped and the funeral was allowed to pass In Vadodara

وڈودرا:گجرات میں بڑودرہ شہر کے راج محل روڈ پر ایک مسلمان کے جنازے کو راستہ دینے کے لیے جاری گربا کو روک دیا گیا۔ اس واقعہ کا ویڈیو سوشل میڈیا پر وائرل ہے۔ اس ویڈیو کو دیکھ کر لوگ بڑودرہ کے لوگوں کی تعریف کر رہے ہیں۔ دراصل وڈودرہ کا گربا دنیا بھر میں مشہور ہے۔ فی الحال نو راتری چل رہی ہے جس میں بڑے پیمانے پر مختلف مقامات پر شیری گربہ کا اہتمام کیا جا رہا ہے اور کافی خرچہ کرنے کے بعد لوگ گربا کھیلنے پہنچ رہے ہیں اور دوسری طرف گلیوں کوچے میں بھی لوگ مفت میں گربے کا لطف اٹھا رہے ہیں۔ ایسے میں ایک ایسا واقعہ منظر عام پر آیا ہے جس میں ثقافت کی ایک انوکھی جھلک نظر آتی ہے۔ گزشتہ رات راج محل روڈ پر منعقد شیری گربا میں لوگ بہت ہی جوش و خروش کے ساتھ گربا کھیل رہے تھے۔ ایسے میں ایک مسلمان کا جنازے لے جانے میں کوئی دقت پیش نہ آئے، اس کے لیے گربہ کے منتظمین نے گربہ کو روک کر جنازے کو راستہ دیا اور جنازے کو آسانی سے قبرستان تک پہنچنے میں مدد کی۔

گربے کو روک کر جنازے کے لیے راستہ بنانے کی پہل کر ہندو مسلم ایکتا کا پیغام دیا گیا اور فرقہ وارانہ ہم آہنگی کی ایک عمدہ مثال تڈفیہ اور دیار بھاؤ شیری گربا کے منتظمین نے پیش کی۔ اس واقعے میں پولیس کا ضروری تعاون بھی حاصل کیا گیا۔ موصولہ معلومات کے مطابق جنازے کو گزرنے کی اجازت دینے کے لیے دس منٹ کے لیے گربا روک دیا گیا تھا۔ جنازہ گزر جانے کے بعد گربا دوبارہ شروع کیا گیا۔ اس واقعے کے بعد لوگوں کو وڈودرا کی تقافت کی سمجھ آگئی۔ اسے قبل شہر میں فرقہ روانہ تشدد کے واقعات بھی سامنے آچکے ہیں لیکن اس بار ہم آہنگی کا قدم اٹھا کر قومی اتحاد کو ترجیح دی گئی۔