Muslim Womens On Raksha Bandhan مسلم خواتین نے وزیر اعظم نریندر مودی کے کٹ آوٹ کو راکھی باندھی

احمدآباد کے جمال پور میں ہندو مسلم برادری کی خواتین نے بھائی چارگی اور قومی یکجہتی کی مثال پیش کرتے وزیر اعظم نریندر مودی کے کٹ آوٹ کو 3 تولہ سونے کی شیو لنگ والی راکھی باندھی۔

احمدآباد:ملک کی دوسری ریاستوں کی طرح گجرات کے احمدآباد ضلع سمیت تمام اضلاع میں جوش و خروش کے ساتھ راکھی کا تہوار منایا جا ریا ہے۔ اسی درمیان ہنداکثریتی اور اقلیتی طبقے سے تعلق رکھنے والی خواتین نے وزیراعظم نریندر مودی کے کٹ آوٹ پر تین تولہ سونےسے بنی سیولنگ راکھی باندھی اور تیسری مرتبہ وزیر اعظم کے لئے دعائیں مانگی۔

اس موقع پر وزیراعظم نریندر مودی کے کٹ آوٹ پر راکھی باندھنے والی عشرت شیخ نے کہا کہ ہم گزشتہ اٹھ برسوں سے وزیراعظم نرین مودی کے کٹ آؤٹ پر راکھی باندھ رہے ہیں۔ رکشا بندھن بھائی بہن کا مقدس تہوار ہے ۔ یہ تہوار تمام لوگوں کے لئے ہے تو ہم اس سے دور کیسے رہ سکتے ہیں۔

انہوں نے کہاکہ مسلم بہنوں نے بھی اپنے بھائی نریندر مودی کے ہاتھوں پر راکھی باندھی ہیں۔انہوں نے ہم خواتین کے لیے بہت کچھ کیا ہے اور مستقبل میں بھی ان سے مزید بہتر کام کرنے کی امید کرتے ہیں۔

وہیں ایک غیر مسلم خاتون وزیراعظم نریندر مودی کے کٹ آوٹ پر راکھی باندھتے ہوئے کہا کہ رکشا بندھن کا تہوار ہم اسی لیے مناتے ہیں تاکہ بھائی بہن سب مل کر ایک ساتھ رہے۔اس مودی جی کے کٹ آوٹ پر ہم راکھی باندھ کر یہ بتانا چاہتے ہیں کہ ہم سب ہندو مسلم سب ساتھ میں رہے تو قومی ایکتا قاءم رہےاور ہم ایسے ہی ہر سال ہم یہ تہوار مناتے رہیں گے۔