گجرات کے احمدآباد میں واقع بوہرا برادری کے راج اسپتال میں عید میلادالنبی کے موقع پر ایک میگھا میڈیکل کیمپ کا اہتمام کیا گیا ہے جس میں ہر برادری کے لوگوں کو مفت میڈیکل خدمات انجام دی گئیں۔
راج اسپتال کے ٹرسٹی زین الدین ماہو والا نے بتایا کہ گزشتہ 20 سال سے راج اسپتال اپنی خدمات انجام دے رہا ہے اور خوشی کی بات یہ ہے کہ کارپوریشن کے تمام رولس اینڈ ریگولیشن ہم مینٹین کرتے ہیں۔ اس لئے کارپوریشن نے ہمارے راج اسپتال کو نمبر ایک کا درجہ دیا ہے۔
انہوں نے بتایا کہ کیمپ میں اب تک تین سو سے زائد لوگوں کا مفت علاج کیا جاچکا ہے، ساڑے چار ہزار روپے کا ٹوٹل ٹریٹمنٹ مفت رکھا گیا تھا۔
وہیں راج اسپتال کے سیکرٹری سیف الدین سفری نے کہا کہ راج اسپتال میں ملٹی اسپیشلیٹی فیسیلیٹی ایویلینل ہے یہاں پر چیریٹیبل طریقے سے ٹریٹمنٹ کیا جاتا ہے. بہت ہی کم قیمت پر لوگوں کا علاج کیا جاتا ہے، ہر قوم کے لوگ یہاں علاج کروانے آتے ہیں۔
راج اسپتال کے ایک ڈاکٹر ونود نے کہا کہ ہر سال ہم میڈیکل کیمپ کا اہتمام کرتے ہیں۔ لیکن گزشتہ سال کووڈ کی وجہ سے نہیں کیا گیا تھا۔ ہر طرح کے مریضوں کا علاج یہاں کیا جاتا ہے۔