دو تہواروں کے ایک ساتھ آنے کے پیش نظر گجرات کے شہر احمدآباد میں جمعیت العلماء اور احمدآباد کے پولس افسران کے درمیان میٹنگ ہوئی جس میں امن و امان و بھائی چارے کے ساتھ رتھ یاترا کا تہوار منانے کی اپیل کی گئی۔ Meeting of Jamiat Ulema and Ahmedabad Police
اس تعلق سے احمدآباد کے جوائنٹ پولس کمشنر راجیندر اساری نے کہا کہ یکم جولائی کو رتھ یاترا اور دس روز بعد عید الضحی کا تہوار ہے جس کے لیے احمدآباد پولس نے سخت پولس انتظامات کئے ہیں، خاص طور سے رتھ یاترا کے لیے احمدآباد میں 25 ہزار پولس اہلکاروں کو تعینات کیا گیا ہے۔ جوائنٹ پولیس کمشنر نے کہا کہ رتھ یاترا کا تہوار قومی اتحاد و اخلاص کے ساتھ منایا جائے اس کے لیے ہم نے جمعیت العلماء کے ذمہ داران سے ملاقات کی۔ اس موقع پر جمعیت العلمائے ہند گجرات یونٹ کے جنرل سکریٹری نثار احمد انصاری نے کہا تہوار، تہوار ہوتا ہے چاہے رتھ یاترا ہو یا عیدالاضحیٰ، اس ملک میں مختلف مذہب کے لوگ رہتے ہیں اور ہر تہوار کو ایک ساتھ مل کر مناتے ہیں ایسے میں رتھ یاترا کا استقبال بھی مسلم برادری کے لوگوں جگہ جگہ کرتے ہیں۔