احمدآباد: لاک ڈاؤن سے پریشان حال شخص نے کی خودکشی

گجرات میں کورونا وائرس کا قہر مسلسل بڑھتا جارہا ہے اور کورونا کے سب سے زیادہ کیسز احمدآباد میں درج کیے گیے ہیں۔

احمدآباد میں کورونا وائرس سے جہاں بڑی تعداد لوگ ہلاک ہورہے ہیں وہیں شہر کے وشالا علاقے میں لاک ڈاؤن سے پریشان اور حالات سے مجبور ہو کر 58 سالہ اشرف علی نامی شخص نے پھانسی لگا کر خود کشی کرلی۔

اس تعلق سے متوفی کے بیٹے نے بتایا کہ ' ان کے والد نے آج اپنے بڑے بیٹے کے گھر پر سحری کھائی، پانی پیا اور سب کو سونے کا کہہ کر اپنے کمرے میں چلے گئے لیکن جب صبح اٹھ کر گھر والوں نے انھیں دیکھا تو وہ پنکھے سے لٹکے نظر آئے'۔

اس نے مزید بتایا کہ' وہ کرائے کے گھر میں رہتے ہیں اور گزشتہ کئی ماہ سے کرایہ اور بجلی کا بل ادا نہیں کرسکے ہیں جس کی وجہ سے اشرف علی ذہنی تناؤ کا شکار تھے، اوپر سے لاک داؤن نافذ ہونے کے بعد انھیں کہیں سے بھی آمدنی نہیں ہورہی تھی، گھر کے حالات سے تنگ آکر انھوں نے یہ انتہائی قدم اٹھاہا'۔