Gujarat Assembly Election مجلس تمام طبقات کو اعتماد میں لے کر گجرات اسمبلی انتخاب لڑے گی

آل انڈیا مجلس اتحاد المسلمین گجرات اسمبلی انتخابات میں زیادہ سے زیادہ سیٹوں پر الیکشن لڑنے والی ہے جس میں تمام ذات برادری کے لوگوں کو شامل کیا جائے گا اور سب کو لے کر انتخابات لڑا جائے گا۔ آل انڈیا مجلس اتحاد المسلمین والمیکی برادری، او بی سی دلت، کریشچن اور مسلم برادری کے لوگوں کو ٹکٹ دے گی۔ Interview with MIM Gujarat President Sabir Kabuliwala

احمد آباد، گجرات:گجرات میں اسمبلی انتخابات Gujarat Assembly Electionہونے والے ہیں۔ اسی کے مدنظر آل انڈیا مجلس اتحاد المسلمین کے قومی صدر اسد الدین اویسی نے گجرات اسمبلی انتخابات کے لیے تین امیدواروں کا اعلان کیا جس میں احمد آباد کے جمال پور کھاڑیہ سے مجلس کے امیدوار صابر کابلی والا اور سورت ایسٹ سے وسیم قریشی ہیں۔ ان کے ساتھ احمد آباد کی دانی لمڈا سیٹ سے کوشیکا پرمار مجلس کی امیدوار ہوں گی۔ Majlis will contest the Gujarat Assembly elections taking all religions into confidence

اسی درمیان جمال پور کھاڑیہ اسمبلی حلقے کے لیے آل انڈیا مجلس اتحاد المسلمین گجرات کے صدر صابر کابلی والا کو امیدوار بنایا گیا ہے۔ اس تعلق سے ای ٹی وی بھارت نمائندہ روشن آرا نے صابر کابلی والا سے ایکسکلوزیو بات چیت کی۔ Interview with MIM Gujarat President Sabir Kabuliwala

صابر کابلی والا نے کہا کہ آل انڈیا مجلس اتحاد المسلمین گجرات اسمبلی انتخابات میں زیادہ سے زیادہ سیٹوں پر الیکشن لڑنے والی ہے جس میں تمام ذات برادری کے لوگوں کو شامل کیا جائے گا اور سب کو لے کر انتخابات لڑا جائے گا۔ آل انڈیا مجلس اتحاد المسلمین والمیکی برادری، او بی سی دلت، کریشچن اور مسلم برادری کے لوگوں کو ٹکٹ دے گی اور اپنا امیدوار بنائے گی. ہم گجرات میں اس بار 45 سے 50 سیٹوں پر الیکشن لڑنے والے ہیں اور گجرات کے زیادہ تر اضلاع میں اپنے امیدوار کھڑا کرنے والے ہیں۔

انہوں نے کہا کہ میں کانگریس سے دو بار ایم ایل اے رہ چکا ہوں اور دوبارہ کانگریس میں میرے ساتھ دھوکہ بھی کیا گیا ہے اور دوسری بار عمران کھیڑا والا کو ٹکٹ دیا گیا، تب میں نے اپنا فارم واپس لے کر عمران کھیڑا والا کو سپورٹ کیا اور وہ آج جمال پور کھاڑیہ کے ایم ایل اے ہیں۔ لیکن اب آل انڈیا مجلس اتحاد المسلمین گجرات میں آ گئی ہے، اس لیے ہم پوری طاقت کے ساتھ الیکشن لڑیں گے۔

مجلس تمام طبقات کو اعتماد میں لے کر گجرات اسمبلی انتخاب لڑے گی

صابر کابلی والا نے مزید کہا کہ جمال پور سیٹ کو مجلس کو جتائیں گے اور مجھے جمال پور کھاڑیہ کا امیدوار بھی بنایا گیا ہے تو انشاء اللہ میں اس سیٹ سے اسمبلی انتخابات لڑ کر جیت حاصل کروں گا۔ جمال پور میں ایک بڑی تعداد میں چھیپا برادری آباد ہے اور چھیپا برادری کے لوگ مجھے بہت پیار کرتے ہیں اور وہ چاہتے ہیں کہ میں الیکشن جیتوں اور وہ مجھے کافی سپورٹ کر رہے ہیں۔

انہوں نے مزید کہا کہ پچھلی مرتبہ بھی میں الیکشن جیت سکتا تھا لیکن اس ٹائم میں نے بڑا دل رکھ کر عمران کھیڑا والا کو کامیاب کروایا اور اب ساری چھیپا برادری میرے ساتھ کھڑی ہے۔ مجھے پورا یقین ہے کہ میں جمال پور اسمبلی سیٹ سے جیت حاصل کروں گا اور مجلس کا کینڈیڈیٹ گجرات اسمبلی میں جائے گا۔