احمدآباد:گجرات کے احمدآباد کانگریس کے اقلیتی سیل کے چیئرمین رشید شیخ نے کہاکہ پارٹی نے رکن اسمبلی امت چاوڑا کو حزب اختلاف کے رہنما ہونے کا فیصلہ کرکے بہت اچھا کام کیا ہے۔امت چاوڑا ایک تجربہ کار سیاسی رہنما ہیں ان کی قیادت میں پارٹی کے لوگوں کو زمینی سطح پر کام کرنے کا موقع ملے گا۔حزب اختلاف کے رہنما اسمبلی میں عام لوگوں کے حق میں آواز بلند کریں گے۔
انہوں نے کہا کہ کانگریس کے رکن اسمبلی امت چاوڑا گجرات کانگریس کمیٹی کے سابق صدر رہ چکے ہیں جبکہ شیلس پر مار سینیر رکن اسمبلی ہیں۔ ان کے ناموں کاباضابطہ اعلان کانگریس کے اعلیٰ کمان نے کیا ہے. میں انہیں مبارکباد پیش کرتا ہوں۔ وہ جب کانگریس کمیٹی گجرات کے صدر تھے اس وقت انہوں نے بہت ہی اچھا کام کیا تھا۔ انہیں اب اپوزیشن لیڈر بنایا گیا ہے ۔وہ اور بھی بہتر کام کریں گے۔ پارٹی کے رکارکنان اور رہنماوں کو ان سے بڑی امید ہے ۔