گجرات کی تاریخ میں پہلی بار کورونا وائرس کی وجہ سے احمدآباد میں نکلنے والی بھگوان جگن ناتھ کی رتھ یاترا پر گجرات ہائی کورٹ نے پابندی لگا دی ہے۔
گجرات ہائی کورٹ کی جانب سے پابندی لگانے کے بعد مندر کے حکام نے بھگوان جگن ناتھ کی رتھ یاترا کو جمال جگن ناتھ مندر کے احاطے نکالنے کا فیصلہ کیا ہے۔
احمد آباد کے جمالپور میں موجود بھگوان جگن ناتھ مندر کے مہنت دلپ داس جی مہاراج نے اس تعلق سے بتایا ہے کہ رتھ یاترا اس کے عام راستے پر نہیں نکالی جائے گی۔ کورونا وائرس کے خطرے پیش نظر گجرات ہائی کورٹ نے اس سال 23 جون کو رتھ یاترا نکالے پر پابندی عائد کی ہے
اس پر مندر کے مہنت دلپ داس جی مہاراج نے کہا کہ گجرات ہائی کورٹ کے حکم کے مطابق 143 ویں رتھ یاترا سادگی سے چھوٹے پیمانے پر نکالنے کا فیصلہ لیا گیا ہے جس کے تحت جگن ناتھ مندر کے احاطے میں ہی رتھ یاترا نکالی جاے گی۔ اور تمام رسومات سادگی کے ساتھ با ضابطہ طریقے سے انجام دی جائے گی۔
