لاک ڈاؤن کے پیش نظر بہت سے شہر کے بہت سے لوگ بھوکے سو جارہے ہیں اور بہت سے لوگوں کے پاس کھانا بنانے یا خریدنے کے لیے پیسے بھی نہیں ہے ایسے میں احمد آباد کے سرس پور علاقے میں موجود فیضان القرآن اسکول میں روزانہ دس ہزار لوگوں کے لیے کھانا بنایا جارہا ہے اور احمد آباد کے مختلف علاقوں میں تقسیم کیا جا رہا ہے۔
رضاکار فوڈ پیکٹ بناتے ہوئے احمدآباد کی گھنی آبادی کے پیش نظر عیسی فاؤنڈیشن نے احمد آباد کے چار مختلف علاقوں میں مفت کھانا تقسیم کرنے کے لیے انتظام کیا ہے جس کے لیے سرس پور اور جوہا پورا، وٹوہ اور دانی لمڈا جیسے علاقوں میں میں باورچی خانے بنائے گئے ہیں۔
جہاں ہر ٹائم پانچ ہزار سے زیادہ لوگوں کا کھانا بنایا جارہا ہے یعنی ایک دن میں احمدآباد میں عیسی فاؤنڈیشن کی جانب سے پچاس ہزار سے زیادہ لوگوں کا کھانا بنایا جارہا ہے اور فوڈ پیکٹ کے ذریعے ِاسے احمدآباد کے ہر علاقے میں تقسیم کیا جا رہا ہے۔
رضار گاڑیوں میں فوڈ پیکٹ لے جاتے ہوئے کھانا پکانے کے لیے بھی یہاں خصوصی انتظامات کیے گئے ہیں، ہاتھوں سے روٹی بنانے کی بجائے چپاتی میکنگ مشین کا استعمال کیا جارہا ہے جس میں ایک گھنٹے میں تقریباً ایک ہزار روٹی بن کر تیار ہو رہی ہے۔
اس کے ساتھ ہی بڑی تعداد میں رضاکار تمام کھانے کو پیک کر ایک جگہ سے دوسری جگہ لے جانے کے لیے کمر بستہ ہیں اور ساتھ ہی پولیس کا بھی انہیں کافی اچھا سپورٹ مل رہا ہے۔
روزانہ 50 ہزار افراد میں مفت کھانا تقسیم اس تعلق سے فاؤنڈیشن کے سیکرٹری سعید احمد نے کہا کہ 'ہمارا مقصد ہے کہ لاک ڈاون کے دوران احمد آباد کا کوئی بھی شخص بھوکا نہ رہے اور کسی کو بھی بغیر کھائے سونا پڑے اس کے لیے ہم نے ہر علاقے میں فوڈ پیکٹ پہنچانے کا انتظام کیا ہے جس کی وجہ سے احمد آباد کے پچاس ہزار لوگوں کو کھانا مل پارہا ہے اور ہماری اس پہل سے لوگ کافی خوش نظر آ رہے ہیں'۔
واضح رہے کہ لاک ڈاؤن کی وجہ سے احمد آباد کا فیضان القرآن اسکول بند ہے جس کا استعمال اب غریب اور ضرورت مند لوگوں تک کھانا پہنچانے کے لیے کیا جا رہا ہے۔ عیسی فاؤنڈیشن کی یہ پہل واقعی قابل تعریف ہے جس کی وجہ سے شہر کے ہزاروں افراد کو بھوکا نہیں سونا پڑرہا ہے۔
