گجرات کے آنند میں ہندوؤں کا مسلمان کے ریستوران کھولنے پر احتجاج

گجرات کے آنند شہر میں ایک ہندو انتہا پسند ہجوم نے ایک مسلم ریستوران کو کھولنے کی مخالفت کی۔ اس دوران شرپسندوں نے متنازعہ نعرے لگائے۔ اس کا ویڈیو سوشل میں وائرل ہورہا ہے۔

ریاست گجرات میں ہجومی تشدد کے معاملوں میں دن بدن اضافہ ہوتا جارہا ہے، پھر ایک بار ایسا ہی معاملہ گجرات کے شہر آنند میں پیش آیا ہے، جس کی ویڈیو سوشل میڈیا پر خوب وائرل ہورہی ہے۔

دراصل دو روز قبل گجرات کے آنند شہر میں ایک ہندو انتہا پسند ہجوم نے ایک مسلم شخص کے ریستوران کھولنے پر مخالفت کی۔ اس دوران شرپسندوں نے 'ہندوستان میں رہنا ہوگا، تو جے شری رام کہنا ہوگا' جیسے متنازعہ نعرے لگائے۔ اس کا ویڈیو سوشل میں خوب وائرل ہورہا ہے۔

اس معاملے پر آنند کے علمائے دین اور سماجی کارکنان نے آنند کے ضلع کلکٹر کو میمورنڈم دیتے ہوئے اس معاملے کی سخت مخالفت کی اور مسلمانوں کے ساتھ ہورہے ظلم کی مذمت کی۔

اس کے علاوہ انہوں نے مطالبہ کیا کہ ان غیر سماجی عناصر کو سزا دی جائے اور اگر اس معاملے پر کوئی کارروائی نہیں کی گئی تو گجرات ہائی کورٹ میں اس معاملے پر پی آئی ایل داخل کی جائے گی۔