Medical Camp ہیلتھی انڈیا کلینک کے زیراہتمام مفت میڈیکل چیک اپ کیمپ کا انعقاد

احمدآباد کے سرخیز علاقے میں"ہیلتھی انڈیا کلینک"کے ذریعہ ایک مفت میڈیکل چیک اپ کیمپ کا انعقاد کیا گیا جس میں مختلف ملٹی اسپیشلٹی ڈاکٹروں کے ذریعہ مختلف بیماریوں کی مفت تشخیص کی گئی۔

احمدآباد: ریاست گجرات کے احمد آباد میں ہیلتھی انڈیا کلینک" کے فاونڈر شاہنواز نےکہا کہ آج ایک مفت میڈیکل چیک اپ کیمپ کا انعقاد کیا گیا.اس کیمپ میں ملٹی اسپیشلٹی ڈاکٹروں کے ذریعہ مختلف بیماریوں کی مفت تشخیص کی گئی۔

خاص طور پر بچوں کے سپر اسپیشلسٹ ڈاکٹر سنان صاحب شیخ (اطفال کے ماہر)، جلد کے ماہر ڈاکٹر سجاد وہرہ، ڈینٹسٹ عتیکا بین منصوری، ڈاکٹر مصباح شاہروی (فزیو تھراپسٹ) اور ڈاکٹر عطیہ شیخ موجود تھیں۔ لوگوں نے بڑی تعداد میں ماہر ڈاکٹرز کی خدمات سے فائدہ اٹھایا۔ عوام کی بڑی تعداد میں شرکت کی وجہ سے کیمپ کو کامیابی کے ساتھ منعقد کیا گیا۔

انہوں نے مزید کہا کہ اس وقت 70 فیصد سے زیادہ لوگ مختلف بیماریوں میں مبتلا ہیں لیکن انہیں کچھ پتا ہی نہیں چلتا۔جب بیماری خطرناک شکل اختیار کرلیتی ہے اس وقت پریشانی بڑھ جاتی ہے۔لوگوں سے اپیل کرنا چاہوں گا کہ وہ اپنے اس پاس رہنے والے مریضوں کے علاج کریں۔ ان کا کہنا ہے کہ حکومت کی جانب سے غریب لوگوں کے علاج کے لئے مختلف منصوبے چلائے جاتے ہیں لیکن لاعلمی کے سبب وہ اس سے فائدہ نہیں اٹھا پارہے ہیں۔ انہوں نے لوگوں سے سرکاری اسکیمات سے فائدہ اٹھانے کی اپیل کی۔